झापा । दोस्रो पटक कोरोना संक्रमण भएर दुई दिन अघि मात्र संक्रमणमुक्त भएका झापा क्षेत्र नं ३ बाट निवार्चित प्रतिनिधि सभा सदस्य तथा राप्रपाका नेता राजेन्द्र लिङ्देनले बिहीबार मेची अस्पतालको निरीक्षण गरेका छन्।
भद्रपुरमा रहेको मेची अस्पतालमा कोभिडका बिरामीको उपचारमा समस्या भएको तथा अस्पताल फोहोर भएको समाचार विभिन्न सञ्चारमाध्यममा सार्वजनिक भएपछि उनले अस्पतालको निरीक्षण गर्दै तत्कालका लागि समस्या समाधानको पहल गरिदिएका छन्।
भद्रपुर नगरपालिकासंग टाँसिएका तथा राप्रपाले नेतृत्व गरिरहेका कचनकवल र हल्दीबारी गाउँपालिकाका अध्यक्षद्वय अन्जरा आलम र रविन्द्र लिङ्देनसहितको टोली लिएर सांसद लिङ्देन अस्पताल पुगेका हुन्।
सोही क्रममा अस्पतालका समस्याको तत्काल समाधानका लागि दुईवटै गाउँपालिकाले ५र५ लाख रुपैयाँ अस्पताललाई उपलब्ध गराउने निर्णय भएको लिङ्देनले बताए।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
