तिम्रो साथले...
अभिसप्त अनुभूति बोकेर
हिडिरहेको जीवनको एक माइलमा
बरामद भएको तिम्रो साथले
भन्छ,
स्वप्निल मधुरता,
तिमीसंगको सहवासमा
पृथक रोमाञ्चकता,
तिमीसंगको संवादमा
अलौकिक आनन्द,
तिमीसंगको प्रेमालापमा ।
हो !
अनन्त अनुभूत गर्छ हृदयले
कान्तिमय आलोक छर्दै
विस्तारित शुभ्र उज्यालो
जीवनको नविनतम मोडमा
उज्यालिंदै,
पाउ मोडिएका छन् तिमी तिर
मुटुभरि समेटिने,
प्रेमको गुलाव बोकेर
आँखाभरि,
स्वतन्त्र सपना खोजेर !
आहा !
प्रणयको यौटै स्पन्दनमा
तिमी र म,
म र तिमी
यौटै मात्र यौटै,
संसारको सागरमा
तिमी भित्रै हराएर
तिमी भित्रै बिलाएर
बग्न चाहन्छु म !
स्वीकार गर प्रिय
यो अनुभूत
र बगाउ मलाई,
आफुसंगसंगै,
मायाको उर्लदो भेलमा
पुर्याउ संगमको गहिरो सागरमा
कि अभिसप्त जिन्दगीले
वरदान आभास गरोस !!
सामाजीक सञ्जाल फेसबुकबाट साभार
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
