ओली सरकार ढल्नुमा नेपालको प्रमुख हात

काठमाडौं । अदालतको आदेशबाट केपी ओली नेतृत्वको सरकार ढल्न पुगेको छ। शेरबहादुर देउवा प्रधानमन्त्री बन्दैछन्। आफ्नै अध्यक्षलाई पछारेर विपक्षी दलका सभापतिलाई उक्त पदमा पुर्‍याउन साथ दिने मुख्य नेताका रुपमा माधवकुमार नेपाललाई हेरिन थालिएको छ ।

हुनुपनि किन नहेरियोस एमाले अध्यक्ष ओली र वरिष्ठ नेता नेपालबीचको अत्यन्त तिक्ततापूर्ण सम्बन्धले नै एमाले फुटको जोखिममा समेत पुगेको छ। यी दुई नेताबीच राजनीतिक सम्बन्धमा उतार–चढाव रहँदै आएको छ। यतिवेला अध्यक्ष ओली छन् तर, नेपालले पनि १५ वर्ष पार्टीको नेतृत्व गरेका थिए।

नेपालकै छत्रछायाँमा लामो समय रहेका ओलीले २०७१ को नवौं महाधिवेशनमा उनीसँगै प्रतिस्पर्धा गरेर नेतृत्व हात पारेका हुन्। यो संगै भारतले लगाएको नाकाबन्दीको प्रतिकारको नेतृत्व गरेका कारण ओलीको उचाइ बढ्दै गएको हो । उनकै नेतृत्वमा भएको स्थानीय निर्वाचनमा एमाले सबैभन्दा ठूलो पार्टीमा स्थापित भयो पनि ।

२०७४ को आम निर्वाचनमा ओलीकै नेतृत्वमा नेकपा माओवादी केन्द्रसँग चुनावी गठबन्धन गरेर मुलुकमा कम्युनिष्ट शक्ति झण्डै दुईतिहाइ नजिक पुग्यो। २०७४ फागुन ३ मा ओली नेतृत्वमा दुईतिहाइ नजिकको सरकार बन्यो। २०७५ जेठ ३ मा एमाले र माओवादी केन्द्रको एकीकरण भयो र नेकपा बन्यो। यसले ओली सरकारलाई थप मजबुद बनायो ।

यी सबै विषयमा ओली एकलौटी बढेको र आफूसँग छलफलै नगरेको भन्दै नेपालले असन्तुष्टि जनाउँदै गएका थिए। एकीकरणपछि सुरुवाती दिनमा नेकपाका अध्यक्षद्वय ओली र पुष्पकमल दाहाल मिलेर गरेका हरेक निर्णयमा उनको आपत्ति रहँदै आयो। ओली र दाहालले चोचोमोचो मिलाएर आफूलाई किनारा लगाएको प्रतिक्रिया पनि दिन थाले ।

दोस्रो मृगौला प्रत्यारोपण पछि ओली र दाहालबीच अन्तरविरोध बढ्न थाल्यो। नेकपाभित्रै ओलीविरुद्ध नेपाल, दाहाल सहितको गठबन्धन बन्यो। लिम्पियाधुरासहितको चुच्चे नक्सा सार्वजनिक भएर देशभर खुसियाली भइरहेको बेला दाहाल-नेपाल गठबन्धनले ओलीको राजीनामा माग्यो।

यसले नेपाल र ओलीको तिक्कता अझ बढ्दै गयो। जसले ठूलो रुप लिदै नेपाल ओली समुहबाट बाहिरिए । नेपाल दहाल सहित, कांग्रेस र जसपा लगायतका बिपक्षी गढबन्धनको तालमेललमा ओली विरुद्ध तानाबाना बुनियो र शेरबहादुर देउवाको नतेर्तत्वमा सरकार गठन गर्ने निणर्य सगै अहिले ओली नेतृत्वको सरकार ढालेरै छाड्यो ।