काठमाडौं । संघीय संसद अन्र्तगत प्रतिनिधिसभा र राष्ट्रियसभा दुवै सदनको बैठक आज बस्दैछन्।
दिउँसो एक बजे बस्ने प्रतिनिधिसभा बैठकमा स्वाथ्य राज्यमन्त्री उमेश श्रेष्ठले समय लिएर बोल्दै छन्। राज्यमन्त्री श्रेष्ठले कोरोना भाइरस संक्रमणको अहिलेको अवस्था र नियन्त्रणका लागि सरकारी प्रयासको बारेमा जानकारी गराउने तयारी भएको सभामुख अग्निप्रसाद सापकोटाका प्रेसविज्ञ श्रीधर न्यौपानेले जानकारी दिए।
कोरोना भाइरसविरुद्ध अहिलेसम्म प्राप्त खोप, लगाइएको विवरण र थप खरिदका लागि भएका सम्झौताका विषयमा पनि उनले बताए।
यस्तै बैठकमा प्रतिनिधिसभाका सचिव गोपालनाथ योगीले राष्ट्रिय सभामा उत्पत्ति भएको स्टान्डर्ड नाप र तौल पाँचौ शंशोधन विद्येयक २०७६ सम्बन्धमा राष्ट्रिय सभाबाट प्राप्त सन्देश टेबुल गर्ने कार्यसूची रहेको संसद सचिवालयले जनाएको छ। राष्ट्रिय सभा बैठक बिहान ११ बजे बस्नेछ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
