काठमाडौं । राजा ज्ञानेन्द्र शाहका संवाद सचिव डा. फणिराज पाठक आइतबार दिउँसो परिवारको साथमा आफैले गाडी हाकेर बुढानिलकण्ठ नगरपालिका २ चपली भंगाल पुगे ।
स्व.मुमा उमादेवी पाठक ज्युको ८८औं जन्म जयन्तीको स्मृति दिवसमा उनले गाडीमा चाउँचाउँ, नुन, चिनी, तेल, दाल, विस्कुट, गेडागुडी लगायत खाध्य सामाग्री बोकेर तपस्थली बृद्धाश्रमका आमाहरुलाई भेट्न पुगेका हुन् ।
हरेक वर्ष आफ्नी आमाको जन्म दिनमा अनाथाश्रम तथा वृद्धाश्रम पुगेर सहयोग गर्दै आएका डा.पाठकले यसवर्ष भने आमाको स्मरण गर्दै विहानै ८८ वटा दिप प्रज्वलन संगै वृद्ध आमाहरुसंग सुख दुख साट्ने प्रयास गरेका हुन् ।
यसैगरी उनले आफ्ना हजुरबुवाको नामबाट संचालित पद्मराज पाठक स्मृति प्रतिष्ठानबाटपनि आमाको स्मृतिमा महिला आदर्श सेवा केन्द्र झापा मार्फत झापाका तिन जना महिलालाई तिन थान ठूलो सिलाई मेसिन प्रदान गरेका छन् । यसरी आमाको नामबाट गरिखाने महिला, गरिव, असहाय तथा बृद्धबृद्धाहरुलाई सहयोग गर्न पाउँदा आत्म सन्तुष्टि हुने गरेको उनि बताउँछन् ।
उनलाई यस पुण्य कार्यमा उनकी धर्म पत्नी इन्दु पाठकले पनि साथ दिदै आएकी छिन् । डा. पाठक आइतबार पनि आफ्नी धर्मपत्नी इन्दु पाठक, छोरी बन्दना पाठक र नातिनी साम्भवी भट्टराईसंगै बृद्धाश्रम पुगेका थिए । र उनको यो कार्यप्रति बृद्धाश्रमका आमाहरुपनि निकै हर्षित देखिन्थे ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
