काठमाडौं । एक युवकले नारायणहिटी दरबार संङ्ग्रहालयमा राखिएको श्रीपेच निकाल्न खोजेका छन्।
शुक्रबार बिहान अवलोकनका लागि पुगेका पश्चिम रुकुम मसिकोट- ११ का २५ वर्षीय खिमबहादुर घर्तीले सिसा फुटाएर श्रीपेच निकाल्न खोजेपछि नेपाली सेनाले उनलाई नियन्त्रणमा लिएको छ।
सिसा फुटाउँदा उनको हातसमेत काटिएको छ। उनलाई अहिले सेनाले नियन्त्रणमा राखेको छ। ‘म राजा हुन आएको’ भन्दै ती युवकले श्रीपेच निकाल्न खोजेको महानगरीय प्रहरी वृत्त दरबारमार्गका प्रमुख रामेश्वर पौडेलले बताए।
पौडेलले पक्राउ परेका घर्तीको मानसिक स्वास्थ्य अवस्थाबारे पनि बुझ्ने काम भइरहेको बताए।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
