काठमाडौं । मुस्ताङको कोवाङमा हिम पहिरो गएको छ । मुस्ताङको थासाङ गाउँपालिका आज बिहान १० देखि ११ बजे भित्र ठूलो हिम पहिरो खसेको हो ।
मुस्ताङका प्रमुख जिल्ला अधिकारी नेत्रप्रसाद अधिकारीले मुस्ताङको सदरमुकाम जोमसोमबाट १९ किलोमिटर बेनीतर्फको एक हिमालबाट पहिरो खसेको बताउनुभएको छ । पहिरो खसेसँगै भागदौड मच्चिदा ७ जना घाइते भएको र उनीहरुलाई उपचारका लागि जोमसोम अस्पताल ल्याइएको उहाँको भनाई छ ।
पहिरोका कारण केही जनावर मरेको हुन सक्ने अनुमान गरिएपनि उक्त स्थानमा पुग्न समय लाग्ने हुँदा यकिन तथ्याङ्क भने आइनसकेकोको जिल्ला प्रहरी कार्यालय मुस्ताङ्गले जनाएको छ । पहिरो खसेपछि अहिले खोला केही बढेको र वरपरका गाउँमा सचेत रहन स्थानीय प्रशासनले आग्रह गरेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
