राष्ट्रिय प्रजातन्त्र पार्टीको एकता महाधिवेशन आजदेखि सुरु हुँदै

महाधिवेशनमा थापा र लिङदेनको भिडन्त, देशभरबाट करिब ३ हजार प्रनिनिधि

काठमाडौं ।
 छ ।
पर्सिसम्म काठमाडौंको भृकुटीमण्डप हुने महाधिवेशनको आज विहान १२ बजे उद्घाटन हुने छ । फरक राजनीतिक विचार बोकेको पार्टी राप्रपा एकताको महाधिवेशनमा केन्द्रित बनेको हो । महाधिवेशनमा पुरानो र नयाँ पुस्ता भिडन्तमा छन् । राप्रपाका अध्यक्ष कमल थापाले अध्यक्षमा आफूलाई दोहोर्याउने हुनु भएको छ भने, थापालई राजेन्द्र लिङ्देनले चुनौति दिन लाग्नु भएको हो ।

पटक–पटक विभाजन र एकता गर्दै आएको राप्रपाले यसपटकको महाधिवेशनलाई एकताको महाधिवेशन भनेको छ । राप्रपा एकीकरणपछि तीन अध्यक्ष हुनुहुन्थ्यो भने यो महाधिवेशनले एक अध्यक्ष चयन गर्नेछ । तीन वर्ष अध्यक्ष भएर पार्टीको नेतृत्व गर्नु भएका थापा र राप्रपाको नेतृत्व अब नयाँ पुस्ताले गर्नुपर्ने भन्दै लिङ्देन पक्ष चुनावी मैदानमा उत्रिएका छन् । दुई अध्यक्षबीच टक्कर भएपछि वरिष्ठ नेताहरू पनि दुई खेमामा खुलेरै लाग्नु भएको छ ।

थापालाई लोकेन्द्रबहादुर चन्द, दीपक बोहरा लगायतको साथ छ भने लिङदेनलाई पशुपति शमशेर जबरा, डाक्टर प्रकाशचन्द्र लोहनी, धवलशम्शेर राणा, बिक्रम पाण्डे लगायतको साथ छ । तीन पटक अध्यक्ष हुनु भएका कमल थापालाई पुराना पुस्ताको साथ रहँदा लिङ्देन युवा पुस्तामा लोकप्रिय बन्नु भएको छ । राप्रपामा ३ सय ३० प्रदेशसभा निर्वाचन क्षेत्रबाट कम्तिमा ९ जना र सक्रियता सदस्य बढि भएको क्षेत्रमा थप दुई गरी देशभरबाट करिब ३ हजार प्रनिनिधि छन् । संघीयता खारेजी, हिन्दु राज्य र राजसंस्थाको पक्षमा उभिँदै राप्रपाका दुई अध्यक्ष यहि एजेण्डा बोकेर अधिवेशनमा होमिनु भएको हो ।