इटहरीमा बल्ल सुल्झियाे फाेहाेरकाे लफडा : प्रशाेधन केन्द्रले थाल्याे काम : उपमहानगरले सहयाेग नगरेकाे गुनासाे 

•  तेजबहादुर बन

इटहरी । इटहरी उपमहानगर क्षेत्रमा टाउको दुखाको बिषय बनेको फोहोर ब्यवस्थापन अब सहज हुने भएको छ । उपमहानगर क्षेत्रको फोहोर ब्यवस्यापन गर्ने जिम्मा लिएको वेस्ट एण्ड इन्भारो मेनेजमेन्ट प्रालीले बुधबार देखि प्रशोधन केन्द्रलाइ सञ्चालनमा ल्याएपछि फोहोर ब्यवस्थापनको काम सहज भएको हो । यस अघि उपमहानगरबाट संकलित फोहोरहरू धरान र तरहरा बिचको चारकोशे झाडिमा बिसर्जन गरिदै आएको थियो ।

इटहरी उपमहानगर १० डुमरटकास्थित निर्माण सम्पन्न फोहोर प्रशोधन केन्द्रले फोहोर संकलन र प्रशोधनको प्रकृिया अघि बढाएसंगै वर्षाैदेखि इटहरी वासिले समस्याको रूपमा लिदै आएका फोहोर ब्यवस्थापन बल्ल सुल्झिएको छ । उपमहानगरमा बिगत १० वर्ष देखि फोहोर ब्यवस्थापन सहि स्थानमा हुन नसक्दा बेला बेला बिवाद र आन्दोलन समेत हुदै आएका थिए ।

इटहरी उपमहानगरको फोहोर ब्यवस्थापनको जिम्मा लिएको वेस्ट एण्ड इनभारो मेनेजमेन्ट प्रालिले प्रशोधन केन्द्रलाइ बुधबारबाट सञ्चालनमा ल्याइ सोहि दिनबाट फोहोर ब्यवस्थापनको काम सुरू गरेको छ ।

उपमहानगर क्षेत्रबाट संकलन भएका फोहोर बुधबारदेखि प्रशोधन केन्द्रमै ब्यवस्थापनको काम सुरू भएको र अबको केहि दिनपछि बायोग्यास र प्रागारिक मल उत्पादन गर्ने योजनाका प्रकृिया अघि बढेको वेस्ट एण्ड इनभारो मेनेजमेन्ट प्रालिका अध्यक्ष मोहनप्रसाद भण्डारीले वताए । यसअघि उपमहानगरबाट संकलित फोहोरहरू धरान र तरहरा बिचको चारकोसे झाडिमा बिसर्जन हुदै आएको थियो ।

फोहोर व्यवस्थापन सहित बायोग्यास र प्रांगारिक मल उत्पादन गर्ने योजना अनुरूप प्रशोधन केन्द्रले बुधबार देखि पहिलो चरणमा फोहोर संकलन गरी केन्द्रमा ब्यवस्थापनको काम सुरू गरेको हो ।

इटहरी उपमहानगरपालिका , बैकल्पीक उर्जा केन्द्र र वेस्ट एण्ड इनभारो मेनेजमेन्ट प्रालि विचको सम्झौता अनुसार उपमहानगर क्षेत्रबाट फोहोर संकलन गरि बायोग्यास र प्रागारिक मल उत्पादनका लागि फोहोरजन्य वस्तु केन्द्रमै जम्मा पार्न थालिएको हो ।

मल तथा बायोग्यास उत्पादनका लागि करिव डेढ महिना समय लाग्ने भएपनि केन्द्रमै फोहोर संकलन गरि कुहिने र नकुहिने छुट्याएर प्रशोधनका लागि तयार पार्ने काम सुरु गरिसकेको प्रालिका अध्यक्ष भण्डारीले बताए ।इटहरी उपमहानगरले पर्याप्त सहयोग गर्न नसक्दा प्रशोधन केन्द्रले समयमै फोहोर व्यवस्थापनको काम गर्न नसकेको अध्यक्ष भण्डारीको भनाइ छ ।

उपमहानगरले फोहोर व्यवस्थापनका विषयमा गरिएको सम्झौतामा केन्द्रको निर्माण हुने स्थल आसपास खेल मैदान ,समसान घाट ,बाटो , वाल निर्माण गरिदिने भनि उल्लेख गरेपनि अहिले सम्म काम गर्न नसेकेको उनको भनाइ छ ।

स्थानीयले सहमति नअनुसार भौतिक पुर्वाधार विकास नगरिदिए सञ्चालनमा अवरोध गर्ने चेतावनी समेत दिदै आएका छन । उपमहानगरले पनि बजेट बिनियोजन गरिसकेको र सहमति अनुसारका निर्माणका कामहरू सुरू गर्ने जनाएको प्रालिका अध्यक्ष भण्डारीले बताए ।

इटहरी उपमहानगरपालिकाका २०वटै वडाबाट निस्कने फोहोरलाई व्यवस्थापन गर्दै प्रशोधन गरि बायोग्यास र प्रागारिक मल उत्पादन गर्ने गरि १६ करोडको लागतमा प्रशोधन केन्द्रको काम भई रहेको जनाइएको छ ।

प्रशोधन केन्द्र निर्माण कार्यमा खटिएका इन्जिनियर निराजन सिहंले गुणस्तरिय काम भई रहेको वताए । प्रशोधन केन्द्र निर्माण भई सञ्चालनमा आएपछि प्रत्येक दिन ३० टन फोहोर हालेर ८ सय केजी बायोग्यास र ६ टन प्रागारिक मल उत्पादन गर्न सकिने इन्जिनियर सिहंले जानकारी दिए ।