काठमाडौं । नेपाली फिल्म क्षेत्रमा काम गर्ने कलाकारले पारिश्रमिक नपाएको गुनासो बेला बखत सुनिन्छ । आगामी पुस १५ गते रिलिज हुने फिल्म ‘चपली हाइट ३’ रिलिज नहुँदै चर्चामा छ । त्यसको कारण भने फिल्मको कथा भन्दा पनि कलाकारहरुका कारण हो । फिल्म निर्मातासंग कलाकारको मन नमिले पछि अहिले फिल्मको प्रमोशनमै त्यसको प्रभाव देखिएको छ ।
फिल्ममा मुख्य भूमिका रहेकी नायीका स्वस्तिमा खड्का नै प्रमोशनका कार्यक्रममा देखिएकी छैनन् । नायिका स्वस्तिमा खड्का र निर्माता अर्जुन कुमारबीच स म्ब न्ध विग्रिएका कारण प्रमोशनमा उनी नदेखिएकी हुन् । अभिनेता महेश त्रिपाठी र निर्देशक निकेश खड्कालाई लिएर निर्माता कुमार फिल्मको प्रमोशनमा हिँडिरहेका छन् ।
यसैबीच, फिल्मका कलाकारले पारिश्रमिक नपाएको कुरा अहिले बाहिरिएको छ । फिल्मको पहिलो सिक्वेलदेखि नै संलग्न अभिनेता आमिर गौतमले पारिश्रमिक नपाएको कुरा सामाजिक संजालमै लेखेर असन्तुष्टि पोखेका छन् । अभिनेत्री लक्ष्मी बर्देवाले पनि त्यसमा टिप्पणी गर्दै आफूले पनि पारिश्रमिक नपाएकोतर्फ संकेत गरेकी छिन् ।
गौतम लेख्छन्, ‘३ दिन जाडोमा भिजेर सु टि ङ सक्काएको फिल्मको पैसा त आउँदैन भने अरुको के हालत होला ।’ यो स्टेटसमा अभिनेत्री बर्देवाको टिप्पणी छ, ‘लक्की चार्मको त यो हालत छ झन् हाम्रो के होला ?’
अभिनेत्री स्वस्तिमा खड्काको टिप्पणी छ, ‘लक्की चार्म आमिर गौतम भिजेपछि चार्म हराएजस्तो छ ।’ स्वस्तिमाले घुमाउरो ढंगले आमिर र निर्मातालाई व्यंग्य गरेकी छिन् । फिल्ममा स्वस्तिमाको मुख्य भूमिका छ
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved