एजेन्सी । हालै जनवरी २ मा अभिनेता विक्की कौशलले फिल्मको छायाँकनका क्रममा गाडीमा गलत नम्बर प्लेट राखेको आरोप लगाउँदै इन्दौर प्रहरीमा उजुरी दर्ता भएको थियो । त्यसपछि इन्दौर प्रहरीले अनुसन्धान सुरु गरेको थियो । समाचार एजेन्सी एएनआईका अनुसार विक्की कौशललाई इन्दौर पुलिसबाट क्लीन चिट दिइएको छ। इन्दौर पुलिसले फिल्मको दृश्यको छायांकनको क्रममा मोटरसाइकलमा दर्ता नम्बरको अ वै ध प्रयोगको आरोपमा विक्की कौशल विरुद्ध उजुरीको अनुसन्धान बन्द गरेको छ। यस सम्बन्धमा प्रहरी अधिकृतले गाडीको नम्बर प्लेटका कारण अन्योल सिर्जना भएको पनि प्रतिकृया दिएको छ ।
उजुरी दिने व्यक्ति जयसिंह यादवले भने, ‘फिल्मको दृश्यमा प्रयोग भएको गाडीको नम्बर मेरै हो, फिल्म युनिटलाई यसबारे जानकारी छ वा छैन मलाई थाहा छैन।।। तर यो गैरकानुनी हो । मेरो अनुमति विना मेरो नम्बर प्लेट प्रयोग गर्न मिल्दैन। विक्की कौशलको फिल्मको छायाँकनका क्रममा मोटरसाइकलमा उनको गाडीको दर्ता नम्बर ‘४८७२’ को अन्तिम चार अंक प्रयोग गरिएको उजुरीकर्ताको भनाइ थियो ।
यस मामिलामा प्रहरीले यादवको उजुरीका आधारमा छानबिन गरेपछि फिल्मको छायाँकनका क्रममा प्रयोग भएको मोटरसाइकलमा ‘१८७२’ ९अन्तिम चार अङ्कको रूपमा० दर्ता नम्बर रहेको थाहा पाएको बताएको छ । बाणगंगा प्रहरी चौकी इन्चार्ज राजेन्द्र सोनीले नम्बर प्लेटमा पहिलो अङ्क १ नम्बर लेखिएको थियो, जुन ४ जस्तो देखिन्थ्यो । जसका कारण अन्योल सिर्जना भएको थियो । यादवले लगाएको उजुरी पहिलो दृष्टिले झु टो भएकाले अनुसन्धान बन्द गरिएको एसएचओ राजेन्द्र सोनीले बताए ।
मध्य प्रदेशमा फिल्मको छायाँकनका क्रममा अभिनेता विक्की कौशल र सारा अली खान बसेको कारको भिडियो सामाजिक सञ्जालमा भाइरल भएको थियो, त्यसपछि विक्कीविरुद्ध उजुरी दर्ता भएको थियो । यो मोटरसाइकलसँग सम्बन्धित कुनै दुर्घटना वा गैरकानुनी काम भएमा कानुनी जिम्मेवारी मेरो काँधमा पर्न सक्छ भन्ने डर लागेको उजुरीकर्ताले बताएका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved