काठमाडौं । एक समयकी चर्चित अभिनेत्री मेलिना मानन्धर पुनः चलचित्र क्षेत्रमा सक्रिय बन्ने तयारीमा छिन् । फिल्ममा चलिरहेकै बेला अभिनेत्री मानन्धर श्रीमानसँग अमेरिका पसिन् । अभिनेता मुकेश ढकालसँग प्रेम विवाह गरेकी मेलिना त्यसपछि पर्दामा फर्किएकी छैनन् ।
उनै मेलिना पर्दामा फर्किने सोंचमा छिन् । उनले टिकटक लाइभमा एक प्रश्नको उत्तर दिने क्रममा नेपाली फिल्ममा फर्किने उपयुक्त समयको पर्खाइमा रहेको बताएकी छिन् । सामाजिक सञ्जालमा दर्शकले सोधेका प्रश्नको जवाफ दिइरहेकी मेलिनाले चाँडै पर्दामा फर्किने सोच बनाएको बताएकी छिन् । उनले पर्दामा फर्किने उपयुक्त बाटो भने भेट्टाएकी छैनन् ।
दर्शकसँग अन्तरक्रिया गरिरहने मेलिनालाई उनका दर्शकले ठूलो पर्दामा फर्किन आग्रह गरिरहेका हुन्छन् । उनले पर्दामा फर्किन आग्रह गर्ने दर्शकलाई भनेकी छिन्, ‘तपाईहरूले मलाई चाँडै पर्दामा देख्न सक्नु हुनेछ । यसका लागि विचार गरिरहेकी छु ।’
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved