शरीरभरको रगत निकाल्न चिनियाँ पुरुषको अपहरण

बेइजिङ । ली नामक एक पुरुषलाई अपहरण गरेर महिनौंसम्म ’रगत दास’ बनाएको साउथ चाइना पोस्टले जनाएको छ । उनलाई कोम्बोडियाको सिहानुकभिल्ले सहरमा कैदी बनाएर राखिएको थियो । अपहरणकारीहरूको फन्दाबाट फुत्किँदासम्म लीको शरीरबाट झण्डै सम्पूर्ण रगत निकालिसकेको अवस्था थियो ।

सन् २०२१ को अगस्टदेखि तिनीहरूले प्रत्येक महिना ३१ वर्षीय लीको शरीरबाट २७ औँस रगत निकाल्ने गरेको थियो । प्रत्येक पटक उनको शरीरमा रक्त प्रवाहका लागि चाहिने न्यूनतम रगत मात्र बाँकी राख्ने गरिएको थियो ।

सो समूहले उनको रगत अनलाइनमार्फत निजी खरिदकर्ताहरूलाई बेच्ने गरेको विश्वास गरिएको छ । सामान्यतया रक्तदान गर्दा प्रायः करिब १६ औंस मात्र रगत निकालिन्छ । जुन परिमाण एक वयष्क व्यक्तिको शरिरको औसत रगत आयतनको करिब ८ प्रतिशत हुन आउँछ ।

यति रगत मानव शरीरले २४ देखि ४८ घण्टाभित्र शोधभर्ना सक्छ । तर रगतका रातो रक्त कोषिका पुनः भर्न भने करिब १० देखि १२ साता लाग्छ ।

तसर्थ अमेरिकी रेडक्रसले कुनै पनि व्यक्तिलाई पुनः रक्तदानका लागि कम्तीमा आठ साता पर्खने सल्लाह दिने गर्दछ । अपहरणकारीहरूले लीको शरीरबा धेरै रगत निकालेको कारण उनका पाखुरामा प्रशस्त रगत प्रवाह हुन बन्द भइसकेको थियो । त्यसैले पछिल्लो समय तिनीहरूले उनको निधारको नसाबाट रगत निकाल्ने गरेका थिए ।

यसै महिना मात्र सोही समूहको एक जना सदस्यको मद्दतले उनी तिनीहरूको चुँगुलबाट भाग्न सफल भएका थिए । तर उनको शरीर निकै कमजोर हुनुका साथै थुप्रै अंगले काम गर्न छोडिसकेको अवस्था थियो । पाखुरा भरी सुई घोचिएको चोट रहेका उनलाई १२ फ्रेब्रुअरीमा अस्पतालमा भर्ना गरिएको हो ।