काठमाडौं । राजा ज्ञानेन्द्र शाहले वाङ्मय शताब्दीपुरुष सत्यमोहन जोशीको स्वास्थ्य अवस्था प्रति चिन्ता व्यक्त गर्नु भएको छ ।
ललितपुरस्थित किस्ट मेडिकल कलेज तथा शिक्षण अस्पतालको सघन उपचार कक्षमा उपचार्रार्थ जोशीको अवस्थाबारे बुझ्न सचिव सागर तिमल्सिनालाई अस्पताल पठाएर स्वास्थ्य अवस्थाबारे जानकारी लिनु भएको हो । सचिव तिमल्सिना मंगलबार साँझ राजा शाहको संन्देश लिएर संष्कृतिविद जोशीको अवस्था बुझ्न अस्पताल पुगेका थिए ।
१०३ वर्षीय वाङ्मय शताब्दी पुरूष सत्यमोहन जोशीको स्वास्थ्य अवस्था चिन्ताजनक छ। किष्ट अस्पतालमा १८ दिनदेखि उपचाररत् उनको स्वास्थ्य अवस्था चिन्ताजनक भएको अस्पतालले जनाएको छ ।
आइतबारदेखि उनको छातीमा निमोनियाको सङ्क्रमण भएकाले एन्टिबायोटिक सुरु गरिएको छ र मुटुसम्बन्धी समस्या देखा परेकाले त्यसको नियन्त्रणका लागि सघन उपचार कक्ष आईसीयूमा राखी उपचार थालिएको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
