नेपालगञ्ज । बाँकेको नेपालगञ्ज उपमहानगरपालिका वडा नम्बर १० भृकुटीनगरमा बम विष्फोट भएको छ । बुधबार राती करिब साढे आठ बजेतिर मल्लको घरमा विद्यार्थीले भाडामा लिएको कोठामा बम विस्फोट भएको हो ।
नेत्र बिक्रम चन्द नेतृत्वको विप्लव समूहका कार्यकर्ताले बम बनाउने क्रममा विस्फोट भएको जिल्ला प्रहरी कार्यालय बाँकेले जनाएको छ ।
मल्लको घरमा भाडामा बस्दै आएका डिल्ली क्षेत्रीको कोठामा बम विष्फोट भएको प्रहरीले जनाएको छ । उनी नेत्रविक्रम चन्द विप्लव नेतृत्वको नेपाल कम्युनिष्ट पार्टीको अखिल क्रान्तिकारी बाँकेका जिल्ला अध्यक्ष पनि हुन् ।
उनकाअनुसार कोठाभित्र बम बनाउँदै गर्दा प्रहरीले थाहा पाएपछि हतपत भाग्न खोज्दा प्रेसर कुकर बम विष्फोट भएको थियो । सो क्रममा क्षेत्री र धर्म बडुवाल घाइते भएका छन् । बडुवालको अवस्था गम्भीर रहेको प्रहरीले जनाएको छ ।
घाइते दुवैजनाको भेरी अस्पतालमा उपचार भइरहेको छ । प्रहरीका अनुसार घटना बारेमा अनुसन्धान भइरहेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
