काठमाडौं । चलचित्र ‘नाई नभन्नु ल ४’ बाट नेपाली सिने जगतमा प्रवेश गरेकी नायिका आँचल शर्माले लगनगाँठो कसेकी छिन् ।
फागुन २९ गते बिहिबार नायिका शर्माले प्रेमी उदिप श्रेष्ठसँग बिबाह गरेकी हुन् । उनीहरुको हिन्दू परम्परा अनुसार बुढानिलकण्ठस्थित होटल पार्क भिलेजमा बिबाह सम्पन्न भएको थियो । करिब एक बर्षको प्रेमलाई उनीहरुले बिवाहमा परिणत गरेका हुन् । विवाहभन्दा अगाडि आँचल र उदिपले संगीत र मेहेन्दीको कार्यक्रम समेत राखेका थिए ।
दुवै पक्षका परिवारको मात्र उपस्थिति रहेको उक्त विवाहमा उनीहरुले आफ्ना निकट चलचित्र क्षेत्रका केहि कलाकर्मीहरुलाई मात्र निम्त्याएका थिए । गएको फागुन १२ गते टिकाटालो गरेका आँचल र उदिपले आगामी चैत १ गते रिसेप्सन पार्टी दिँदैछन् । रिसेप्सन पार्टीमा उपस्थितिका लागि यी दुईले फिल्म क्षेत्रका विभिन्न व्यक्तिहरुलाई निमन्त्रणा कार्ड पठाईसकेको बुझिएको छ ।
उदिप श्रेष्ठ पेशाले मेडिकल डाक्टर हुन् ।
केही वर्ष देखिको चिनजान पश्चात प्रेममा परेको यो जोडी आज विवाह बन्धनमा बाँधिएका हुन् । आँचलले करिब ६ महिना अघि मात्र आफ्नो प्रेम सम्बन्ध सार्वजनिक गरेकी थिइन् । आँचलले आफ्नो बिबाहको तस्बिर अफिसियल इन्स्टाग्राम मार्फत सार्वजनिक गरेकी छिन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
