काठमाडौं । मध्य अफ्रिकी देश कंगोको राजधानी किन्शासामा भारी वर्षासँगै आएको बाढी र पहिरोमा परी कम्तिमा एकसय २० जनाको मृत्यु भएको छ।
कैयौं मानिस अझै बेपत्ता रहेको र उनीहरुको खोजी कार्य जारी रहेको प्रधानमन्त्री जीन लुकोन्डोले जनाएका छन्। बाढीका कारण किन्शासाका विभिन्न १२ क्षेत्रमा बसोबास गर्ने करिब एक करोड २० लाख मानिस प्रत्यक्ष प्रभावित भएको जनाइएको छ।
बाढीका कारण घर तथा सडक डुबेका छन्। मोन्ट नागफुला जिल्लामा आएको पहिरोले राजधानी जोड्ने मुख्य राजमार्ग अवरुद्ध भएको छ। कंगो नदीको दक्षिणी किनारमा अवस्थित किन्शासा कुनै बेला माछा मार्ने र त्यसको व्यापार गर्ने गाउँका रुपमा रहेको थियो। पछिल्लो समयमा भने यो तीव्र गतिमा विस्तार भइरहेको महानगरका रुपमा परिणत भएको छ।
अव्यवस्थित र द्रुत शहरीकरणका कारण किन्शासा भारी वर्षासँगै अप्रत्याशित रुपमा आउने बाढीको जोखिममा परेको जनाइएको छ। जलवायू परिवर्तनका कारण पनि जोखिम थप बढेको विज्ञको भनाइ छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved