काठमाडौं । बागमती प्रदेशसभाका नवनिर्वाचित सांसदहरू मध्ये ज्येष्ठ सदस्य नेकपा (माओवादी केन्द्र) का सांसद रामप्रसाद ढुङ्गानाले बुधबार पद तथा गोपनीयताको शपथ लिँदै छन् ।
प्रदेश प्रमुखको कार्यालय हेटौंडामा बुधबार दिउँसो २ बजे प्रदेश प्रमुख यादवचन्द्र शर्माले ढुङ्गानालाई शपथ गराउने भएका हुन्।
निर्वाचन आयोगले गत पुस २ गते प्रदेशसभा सचिवालय र प्रदेश प्रमुख कार्यालयलाई उपलब्ध गराएको तथ्यांकअनुसार उनको उमेर ७२ वर्ष रहेको छ । उनको जन्म वि।सं। २००६ साल असोज २ गते भएको आयोगको प्रतिवेदनमा उल्लेख छ ।
संवैधानिक व्यवस्थाअनुसार प्रदेशसभामा सभामुख र उपसभामुख निर्वाचित नहुँदासम्म जेष्ठ सदस्यले सभाको अध्यक्षता गर्नेछन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
