काठमाडौं । इङ्लिस प्रिमियर लिगमा म्यानचेस्टर सिटीले चेल्सीलाई पराजित गरेको छ।
चेल्सीको मैदान स्टामफर्ड ब्रिजमा गएराति भएको खेलमा सिटीले पहिलो हाफमा गोलका लागि संघर्ष गरेको थियो। चेल्सीले गोलका अवसर भने सदुपयोग गर्न सकेन।
६० औं मिनेटमा बर्नान्डो सिल्भाको स्थानमा रियाद महरेज र फिल फोडनको स्थानमा ज्याक ग्रिलिस मैदान प्रवेश गरेका थिए। खेलको ६३ औं मिनेटमा सिटीका लागि ग्रिलिसको सहयोगमा महरेजले गोल गर्दै अग्रता दिलाएका थिए। त्यो गोल नै जितका लागि पर्याप्त बन्यो।
जारी सिजन प्रिमियर लिगमा महरेजको यो दोस्रो गोल हो। जितसँगै सिटीले शीर्ष स्थानको आर्सनलसँगको दूरी पाँच अंकमा झारेको छ।
दोस्रो स्थानमा रहेको सिटीले १७ खेलबाट ३९ अंक जोडेको छ। लिग लिडर आर्सनलको ४४ अंक छ।
१८ खेलबाट ३५ अंक जोडेको न्युक्यासल तेस्रो र चेल्सी २५ अंकका साथ १० औं स्थानमा छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
