नेपाल भारत संयुक्त संर्वे टोलीले निर्माण गरेका सिमा पिल्लर नै विवादास्पद, स्थानियले भत्काए पिल्लर

डिल्लीराज पन्त,कञ्चनपुर । हालै नेपाल भारत संयुक्त संर्वे टोलीले निर्माण गरेका र निर्माणधिन सिमा पिल्लर हरु विवादीत भएका छन ।
कञ्चनपुरको बेलडाँडी गाउँपालिका वडा नं.३ वैवाह क्षेत्रमा गाडिएको ७८३ ( ४) नम्बर पिलर र निर्माणाधिन सहायक सिमा पिल्लरहरु विवादित भएका हुन । भारतले नेपाली भूमी हड्प्नका लागि लालपुर्जाधारी नेपालीको जमिनमा सीमा पिलर गाडेको बिरोधमा स्थानीयले ति सिमा पिल्लरहरु तोडफोड नै गरी दिएका छन । बर्षौ देखी आफुहरुले चलनभोगमा ल्याएको जमिनमा सीमा पिलर गाडिएको र गाड्नका लागि तयारी अवस्थामा रहेका खाडक्रोसित स्थानीयले भत्काईदिएको बताएका छन ।

संयुक्त सर्वे टोलीले उक्त क्षेत्रमा सीमा पिलर गाड्न र गाड्नका लागि खाल्टा पारेको थियो । नेपालीको लालपुर्जाधारी जमिनमा सीमा पिलर गाडेर नेपाली भूमि हड्प्न खोजेको भन्दै स्थानीयले बिरोध गरेपछि सर्वेको काम रोकिएको थियो । साढे पाँच दशकदेखि बस्दै आएको उक्त बस्तीका स्थानीयको जमिन भारतमा परेको देखिए पछि सीमा विवाद चुलिएको हो । उक्त क्षेत्रमा संयुक्त टोलीले काम गर्न छाडेर कैलालीको खर्गौला नाकातर्फ गएको छ । स्थानिय निकाय संग सहकार्य नै नगरी सिमांकन गरेकाले सरकारी लापर्रबाहीका कारण नेपाली भूमि भारतमा पर्न गएको बेल्डाडि गाउपालिका –३ का वडा अध्यक्ष दुर्गा प्रसाद चौधरीको भनाइ छ ।

कतिपयले आफ्नो जमिनमा सीमा पिलर परेकाले त्यसको बिरोध गर्दै सीमा क्षेत्रमा तोडफोड भन्दा पनि कुटनीतिक ढङगबाट सीमा समस्या समाधान हुनुपर्ने बताएका छन्् । बेलडाँडी गाउपालिकाले सिमा पिल्लर राख्ने कार्यका विरोध भएकाले यसलाई थप कुटनितिक पहल गरी सच्याई सिमांकन गर्न र नेपाली भू–भागमा निर्माण भईरहेका सीमा स्तम्भ निर्माणको काम तत्काल रोक्न माग गरेको छ । बेलडाँडी गाउपालिका का अध्यक्ष धन बहादुर थापाले बेलडाँडी गाउँपालिका ३, ४ र ५ नम्बर वडा क्षेत्रमा जोडिएको सीमानामा भईरहेको सर्वेको काम विवादास्पद भएकाले जतिसक्दो छिटो काम रोक्न पहल गरीने वताएका छन ।

उक्त क्षेत्रमा विस २०२४ सालदेखि नै बसोबास थियो, नेपाली नागरिकसंग लालपुर्जा पनि छन तर अहिले आएर तिनै नेपालीका जमिनमा सीमा पिलर गाडिदैछन । यस्ता खाले समस्या दुवै पक्षको कुटनितिक पहर गरी समाधान तर्फ जानु जरुरी छ ।