काठमाडौं । इण्डियन प्रिमियर लिग (आईपीएल) मा लखनऊसुपर जायन्ट्सले सनराइजर्स हैदराबादलाई पाँच विकेटले पराजित गरेको छ।
लखनऊको घरेलु मैदान एकना स्टेडियममा गएराति टस जितेर ब्याटिङ रोजेको हैदराबादले लखनऊसामु १२२ रनको लक्ष्य तेर्स्याएको थियो। लखनउले २४ बल बाँकी छँदै पाँच विकेट गुमाएर १२२ रनको लक्ष्य भेट्टायो।
लखनऊको जितमा केएल राहुले ३४, कुर्नाल पाण्डेयाले ३४ रनको योगदान गर्दा मार्कस स्टोनीसले अविजित १० तथा निकोलस पुरनले ११ रन जोड्दै अविजित रहे। हैदराबादको लागि आदिल रसिदले दुई तथा भुवनेश्वर कुमार, फजाल्हक फारुकी र उम्रन मल्किले समान एक एक विकेट लिए।
त्यसअघि ब्याटिङ गरेको हैदराबादले निर्धारित २० ओभरमा ८ विकेट गुमाएर १२१ रन बनाएको थियो। हैदराबादका लागि राहुल त्रिपाठीले ३४, अनमोलप्रित सिंहले ३१, अब्दुल सामदले अविजित २१ र वासिंगटन सुन्दरले १६ रन जोड्दा अन्य खेलाडीले दोहोरो रन बनाउन सकेनन्।
हैदराबादलाइ सस्तैमा समेट्न लखनउका कुर्नाल पाण्डेयाले तीन, अमित मिश्राले दुई तथा रवि विश्नोइ र यश ठाकुरले एक एक विकेट लिएका छन्। यो जितसँगै लखनऊ अंक तालिकाको शीर्ष स्थानमा उक्लिएको छ।
तीन खेलमा दुइ जित र एक हार ब्यहोरेको लखनऊले चार अंक जोडेको छ भने दोस्रो हार ब्यहोरेको हैदराबाद अंकविहीन रहँदै तालिकाको पुछारमा छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
