काठमाडौं । राजा ज्ञानेन्द्र शाहले प्रधानमन्त्री पत्नी सीता दाहालको निधनप्रति दुख व्यक्त गर्दै श्रद्धान्जली दिनुभएको छ ।
बुधबार राजा शाहले आफ्ना मुख्य प्रमुख सचिव पशुपति भक्त महर्जन मार्फत श्रद्धान्जली दिनुभएको हो ।
राजा शाहका सचिव महर्जन दिउँसो १२:२० मा माओवादी पार्टी कार्यालय पेरिसडाँडामा श्रद्धान्जली दिन पुगेका थिए ।
उनले प्रधानमन्त्री पुष्पकमल दाहालकी जीवन संगिनी सीता दाहालको निधनप्रति दुख व्यक्त गर्दै दिवंगत सीता दाहालप्रति भावपूर्ण श्रद्धाञ्जली अर्पण गरेका हुन् ।
उनले पत्नी वियोगमा रहेका प्रधानमन्त्री पुष्पकमल दाहाल लगायत शोकाकुल परिवारमा गहिरो समवेदना प्रकट समेत प्रकट गरेका छन् ।
प्रधानमन्त्री दाहालकी पत्नी सीता दाहालको ६९ वर्षको उमेरमा आज बिहान नर्भिक अस्पतालमा निधन भएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
