उखुमा जस्तै केरामा पनि भुक्तानीको समस्या

रमेश कुमार भुसाल, नवलपरासी । उखु खेतीबाट वाक्क परेर केरा खेती गरेका पश्चिम नवलपरासीका किसानहरु केरा खेतीमा पनि उस्तै समस्या भोगेका छन् । पछिल्ला समयमा केरा मा पनि उखुको जस्तै भुत्तानीमा समस्या रहेको केरा किसानहरुले बताएका छन् । पहिलो १/२ बर्ष राम्रो भएपनि अहिले भुत्तानी नपाएको किसानहरुले बताएका छन् । सहरका व्यापारीहरु सँग केहि स्थानियहरुकोे सम्पर्क बढेपछि स्थानियहरुनै दोस्रो दर्जाका व्यापारी वनेका कारण पनि केरा खेतीको बजारीकरण र भुत्तानीमा समस्या आएको केरा किसान लक्ष्मण सिङ थापा भनाई छ ।

पश्चिम नवलपरासीका केरा किसानहरुले पछिल्लो २/३ बर्ष देखिनै केराको भुत्तानी पाउन सकेका छैनन् । स्थानिय तह, प्रहरी प्रशासन र जिल्ला प्रसासनलाई समेत केराको भुत्तानीका समवन्धमा पटक पटक समस्या समाधानको लागी पहल गरेको किसानहरुले बताएका छन् । खास गरि स्थानिय व्यापारीहरु बाटै केराको धेरै जसो भुत्तानी हुन सकेको छैन् । भुत्तानी समस्या समाधानको लागी स्थानिय पालिकाले कार्यविधिनै बनाउनु पर्ने केरा उत्पादक संघ पश्चिम नवलपरासीको बताएको छ । स्थानिय पालिकाहरुले कार्यविधि नबनाउदा केरा उत्पादक संघले समेत नियमन गर्न नसकेको केरा उत्पादक सँघ नवलरासीका अध्यक्ष लख्खु यादवको भनाई छ ।

यता केरा किसानहरुको समस्या प्रति गम्भिर वनेको प्रतापपुर गाँउपालिकाले जनाएको छ । केरा किसानहरुको भुत्तानी , केराको बजारीकरण साथै बजार सुनिश्चिता गर्ने भन्ने सवालमा कार्यविधि बनाएर अगाडि वढ्ने प्रतापपुर गाँउपालिकाका अध्यक्ष उमेश चन्द्र यादवको भनाई छ ।

पश्चिम नवलपरासीको सुस्ता र प्रतापपुर गाँउपालिका केराको पकेट क्षेत्रको रुपमा चिनिन्छ । सुस्ता र प्रतापुरमा २ हजार विगाह मा केरा खेति हुदै आएको छ । जसबाट किसानले केरा विक्रि बापतको दुई करोड बढि रकम पाउन बाँकि छ । उखु विक्रि बापतको भुक्तानी समयमै नपाउने समस्याले किसानलाई पिरोल्न थालेको छ भने केरा खति बाट पनि पलायन हुन पर्ने अवस्था आउने त होइन ? समवन्धित निकायको ध्यान वेलैमा पुग्न जरुरी छ ।