आगामी मंसिर २८ गते महेन्द्रनगर स्मारकमा पुनः स्वर्गीय राजा महेन्द्रको सालिक राखिने भएको छ ।
राप्रपा कञ्चनपुरको आयोजनामा स्व. राजा महेन्द्रको शालिक पुनः निमार्ण गरिन लागेको राप्रपा कञ्चनपुरले जनाएको हो । राप्रपा कञ्चनपुरले आगामी मंसिर २८ गते कञ्चनपुरमा गर्न लागेको विशाल आमसभा संगै राप्रपा अध्यक्ष राजेन्द्र लिङदेनको उपस्थितिमा शालिक राखिने कार्यक्रम रहेको राप्रपा कञ्चनपुरका अध्यक्ष गजेन्द्र चन्दले जानकारी दिए ।
महेन्द्रनगर बजारको मुटुमा अवस्थीत मेनलाईनको बिच भागमा स्थानमा २०६२ साल अघि सम्म जनप्रेमी स्व। राजा महेन्द्रको शालिकथियो । दोस्रो जनआन्दोलन २०६२/०६३ का बेला आन्दोलनरत राजनितिक दलहरुले फुटाएको उक्त स्व. राजा महेन्द्रको शालिक पुनः त्यहाँ राखिने भएको हो ।
राजा महेन्द्रले नै बस्ति बसालेर निर्माण गरेको महेन्द्रनगरमा उनकै शालिक राखिनुपर्ने महेन्द्रगनरका अधिकांश स्थानीयको भनाई पनि छ । उनिहरु आफ्ना पूर्खाले गरेका कामहरुको जानकारी भावी पुस्ताले पाउनुपर्ने र इतिहास बचाउने भन्दै राजा महेन्द्रको शालिक साविककै स्थानमा रहनुपर्ने बताउँछन् ।
महेन्द्र स्मारकमा २०४२ सालमा स्व.राजा बिरेन्द्रको महेन्द्रनगर भ्रमणका बेला तत्कालीन महेन्द्रनगर नगर पञ्चायतका प्रधान पञ्च धर्मराज जोशीको पहलमा तत्कालीन महाकाली अञ्चलका अञ्चलाधिस समुद्ध केशर पण्डित सहितको उपस्थीतीमा स्व.राजा महेन्द्रको सालिक राखिएको र हाल महेन्द्रनगर पार्क (महेन्द्रनगर पञ्चायत पार्क) लाई अनावरण र उदघाटन पनि स्वर्गीय राजा बिरेन्द्रले नै गरेको राप्रपा कञ्चनपुरका अध्यक्ष गजेन्द्र चन्द बताउँछन् ।
‘
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved