राजा ज्ञानेन्द्र शाह पुस ८ गते भैरहवा प्रस्थान गर्नुहुँदै, भैरहवा र बिरगंजमा सम्बोधन गर्नुहुने

काठमाडौं । राजा ज्ञानेन्द्र शाह यहि पुस ८ गते भैरहवा प्रस्थान गर्ने हुने भएको छ । भैरहवामा गरिने नागरिक अभिनन्दन कार्यक्रममा सहभागी हुन राजा शाह भैरहवा प्रस्थान गर्नुहुने भएको हो ।

राजा शाहका सम्वाद सचिव फणिराज पाठकले सुचना निकाल्दै राजा शाह भैरहवा जानुहुने वाताउनु भएको हो । पश्चिम क्षेत्र र मध्य क्षेत्रको केही जिल्लाहरू भ्रमण गर्ने संवाद सचिव फणीराज पाठकले जनाउनु भयो । राजा साहले भैरहवा र बिरगंजमा हुने कार्यक्रममा सम्बोधन गर्नुहुने, त्यहाँका विभिन्न धार्मिक क्षेत्रको भ्रमण गर्नेहुने र राजनैतिक व्यक्तित्व तथा सर्वसाधारणसँग भेटघाट गर्नेहुने कार्यक्रम समेत रहेको छ ।

सुचनामा भनिएको छ, श्री ५ महाराजाधिराज ज्ञानेन्द्र वीर विक्रम शाहदेव तथा श्री ५ बडामहारानी कोमल राज्यलक्ष्मी देवी शाह नेपालको पश्चिम क्षेत्र र मध्य क्षेत्रको केही जिल्लाहरूको भ्रमणको सिलसिलामा आगामी हप्ता भैरहवा सवारी होइबक्सँदै छ ।

यता भैरहवामा एमाले नेता डा. रामप्रसाद बस्याल नै राजा शाहलाई अभिनन्दन गर्न गठित मूल समारोहको संयोजक बनेका छन् । भैरहवाका पुराना वामपन्थी नेता बस्याल एमालेको लुम्बिनी प्रदेश कमिटी पूर्वसल्लाहकार हुन् । उनी गत स्थानीय निर्वाचनमा एमालेकातर्फबाट सिद्धार्थनगर नगरपालिकाको नगर प्रमुख पदमा उम्मेदवार बनेका थिए ।

डा. बस्यालले आफूले एमाले छाडिनसकेको तर धर्म निरपेक्षता र प्रदेश संरचनाका विषयमा पार्टीसँग असहमत रहेको बताएका छन् । यी दुई एजेण्डामा आफू पार्टीसंग सहमत नभएको र देश बचाउन राजाले गर्ने राम्रा काममा आफ्नो समर्थन रहेको उनको बताएका छन् ।