राष्ट्रिय शक्ति नेपालले माग्यो मन्त्री किरातीको राजिनामा,राजीनामा नदिए सरकारले नै बर्खास्त गर्नुपर्ने धारणा

काठमाडौं । राष्ट्रिय शक्ति नेपालले संस्कृती मन्त्री शुदन किराँतीको राजिनामाको माग गरेको छ ।  शुक्रबार एक प्रेस वक्तब्य निकाल्दै उसले नेपाल सरकार संस्कृति मन्त्रीद्वारा आपतिजनक अभिव्यक्ति आएको प्रती खेद प्रकट गर्दै राजीनामाको माग गरेको हो ।

बिज्ञप्तिमा भनिएको छ, जनता नै सार्वभौम हुनुपर्छ, हो पनि । जनताको आफ्नो मौलिक धर्मप्रति सार्वजनिक पद धारण गरेका नेता मन्त्री लगायतले सम्मान गर्नुपर्नेमा ९४% नेपालीको आत्मसम्मानमा पर्यटन तथा संस्कृति मन्त्रीको अभिव्यक्तिले आज गहिरो चोट परेको छ र समसामयिकभन्दा आफ्नो धार्मिक आस्थामा चोट पर्दा, प्रहार हुँदा जनता आवेगमा हुन्छन र आगो ओकल्छन देश त्यो आगोको दन्कोमा परेमा त्यसको क्षतिको पहिलो जिम्मेवार, गैर जिम्मेवार अभिव्यक्ति दिने मन्त्री र उसलाई संरक्षण गर्ने कार्यकारीले बेहोर्नु पर्छ ।

अगाडि भनिएको छ,   धार्मिक विषय  सदैव संवेदनशील हुन्छन ! उदाहरण छिमेकि देशको गुजरात, इराक इरानदेखि स्वदेश के तराई काफि छ ! नेपाल यस विसयबाट टाढा थियो ! जबसम्म नेपाल सबै जातको फुलबारी थियो ! अर्थात् ६२/६३ सम्म हामी नेपाली धार्मिक सहिष्णुतामा थियौं, मिलेर बसेका थियौं । तर आजको संस्कृति मन्त्रीको अभिव्यक्ति आपत्तिजनक त छ नै यो माफि लायकसमेत छैन । त्यसैले संस्कृति मन्त्री सुदन किराँतीले तुरुन्त राजिनामा दिनुपर्छ ! नदिएमा नेपाल सरकारले बर्खास्त गरोस् भनी जोडदार माग गर्दछौं ।

केशर बहादुर बिष्ट, अध्यक्ष, राष्ट्रिय शक्ति नेपाल