युवराज्ञी हिमानी शाहद्धारा काभ्रेको धनेश्वर मन्दिर र चण्डेश्वरीको विशेष पूजा (फोटो फिचर)

काठमाडौं । युवराज्ञी हिमानी शाहले काभ्रेको धनेश्वर महादेव र चण्डेश्वरी माताको विशेष पूजा अर्चना गर्नु भएको छ ।

शनिबार बिहान स्थानीयको निमन्त्रणमा काभ्रे पुग्नुभएकी युवराज्ञी शाहले स्थानीय धनेश्वर महादेव र चण्डेश्वरी माताको दर्शन संगै विशेष पूजा अर्चना गर्नुभएको हो ।

उहाँले स्थानीय धनेश्वर महादेव आधारभूत विद्यालयको एक कार्यक्रममा सरिक हुदै विद्यालय अवलोकन तथा निरिक्षण र विद्यालयका विद्यार्थीलाई पुस्तिका सम्रागी वितरण समेत गर्नुभयो। धनेश्वर मन्दिरको दर्शन र धनेश्वर विद्यालयमा शैक्षिक सामाग्री वितरणपछि हिमानी शाहलाई राजपरिवार बस्दै आएको जिल्लाको पहिलो रिसोर्ट धुलिखेलको हिमालयन होराईजनमा आतिथ्यता गराइएको थियो । केही समयको विश्रामपछि हि युवराज्ञी शाह बनेपाको चण्डेश्वरी मन्दिर जानु भएको हो ।

उहाँले चण्डेश्वरीको दर्शन विशेष पुजाआजासँगै बनेपाका समाजसेवी नेपाल सुधार भैलले व्यक्तिगत लगानीमा निर्माण गरेको नारायणको प्रतिमा उद्घाटन गर्दै नारायण भगवानको विशेष पूजा समेत गर्नुुुभयो ।

बनेपाका समाजसेवी तथा राप्रपाका युवा नेता उदय सिंङ्ग मुस्याजुले शाहलाई मायाको चिनो प्रदान गरेका थिए भने  बनेपाको चण्डेश्वरीमा बृद्दाश्रम निर्माण गर्न सहयोगको अपेक्षा सहित समाजसेवी उद्दव तिमल्सिनाले अनुरोध पत्र पनि बुझाएका थिए ।

 जिल्लाका युवाहरुसँग साक्षात्कार सहित जिल्लाका विभिन्न वस्तुस्थितिका बारेमा हिमानी शाहलाई जानकारी गराइएको र उहाँले जिज्ञासा लिएको कार्यक्रम मूल समारोह समितिका संयोजक रोशन श्रेष्ठले बताए ।

यता कार्यक्रममा राजसंस्था पक्षधरहरको थेगी नसक्नु भिड थियो भने उनिहरुले राजा ल्याउँ देश बचाउँ, हाम्रो राजा हाम्रो देश प्राण भन्दा प्यारो छ, हिमानी सरकारको जयहोस लगायत नाराहरु लगाएका थिए । साथै युवराज्ञी शाहको दर्शन गर्ने स्थानीयकोे भिडपनि उल्लेख्य थियो ।