वीरगञ्जकी मुस्कान खातुनमाथी तेजाब प्रहार गर्ने समसाद मिया साधारण तारेकमा रिहा , खातुन उपचारमै

चैत्र १४, २०७६

कालापानी मिडिया

आरोहण शाह
वीरगञ्ज १४ चैत : वीरगञ्जकी मुस्कान खातुनमाथी तेजाब प्रहार गर्नेअभियुक्तहरु मध्येका एक जनालाई पर्सा जिल्ला अदालतले आज मुक्त गरेको छ । अभियुक्त मध्ये समसाद मियालाई जिल्ला अदालत, पर्साले साधारण तारेखमा रिहा गरेको हो । वैशाख १४ गते पुनः अदालतमा हाजिर हुने गरि आरोपिलाई छाडिएको समाचार स्रोतले जनाएको छ । वीरगंज छपकैया निवासी मुस्कानमाथि गत भदौ २० गते बिहान विर्ता नजिक गणेशमान चोकमा एसिड प्रहार भएको थियो । मुस्कानको अनुहारको दायाँ भाग, छाति र हाथ एसिडले जलेको छ । त्रिभुवन माविको कक्षा ९ मा अध्ययनरत मुस्कानमाथि एसिड आक्रमण भएपछि यस्को चौतर्फी बिरोध भएको थियो । घाइते मुस्कानको अहिले पनि उपचार चलिरहेको छ भने पीडक अभियुक्तलाई अदालतले साधरण तारेकमा लकडाउनको मौका पारेर रिहाई गरे पछि वीरगंजका बासिन्दा जिल्ला अदालत प्रति असन्तुष्ट बनेका छन् ।

प्रतिक्रिया दिनुहोस