बिश्वमा कोरोनाबाट ३७७८० जनाको मृत्यु,स्पेनमा एकै दिनमा ९ सय १३ जनाको मृत्यु

चैत्र १८, २०७६

कालापानी मिडिया

१८ चैत, एजेन्सी । बिश्वब्यापी महामारीको रुपमा फैलिएको कोरोना भाइरस (कोभिड १९) बाट ज्यान गुमाउनेको संख्या ३८ हजार नाघेको छ । वल्डोमिटर्सका अनुसार कोरोना संक्रमणबाट अहिलेसम्म ३७ हजार ७ सय ८० जनाको मृत्यु भएको छ ।

यस्तै कोरोना संक्रमितको संख्या ७ लाख ८४ हजार ३ सय ८१ पुगेको छ भने १ लाख ६५ हजार ३५ जना बिरामी उपचारपछि निको भइ घर फर्किएका छन । पछिल्लो २४ घण्टामा इटाली, स्पेन र अमेरिकामा कोरोनाबाट मृत्यु हुनेको संख्या बढेको छ । स्पेनमा पछिल्लो २४ घण्टामा ९ सय १३ जनाको कोरोना संक्रमणबाट मृत्यु भएको छ भने इटालीमा ८ सय १२ जना तथा अमेरिकामा ५ सय ६५ जनाको मृत्यु भएको छ ।

यस्तै इरानमा १ सय १७ र बेलायतमा १ सय ८० जनाको मृत्यु भएको छ । योसँगै कोरोनाबाट इटालीमा ११ हजार ५ सय ९१, स्पेन ७ हजार ७ सय १७, चीन ३ हजार ३ सय ४ र अमेरिकामा ३ हजार १ सय ४८ जनाको मृत्यु भएको छ । अमेरिकामा १ लाख ६३ हजार ४ सय ७९ जना कोरोना संक्रमति बनेका छन ।

प्रतिक्रिया दिनुहोस