काठमाडौं
चिनियाँ राष्ट्रपति सी जिनपिङ नेपाल भ्रमणमा आउँदा र फर्किँदा त्रिभुवन अन्तर्राष्ट्रिय विमानस्थल ५ घण्टासम्म प्रभावित हुने भएको छ ।
नागरिक उड्ययन प्राधिकरण, त्रिभुवन अन्तर्राष्ट्रिय विमानस्थल कार्यालयले शनिबार एक नोटम९नोटिस टु एयरमेन० जारी गर्दै शनिबार साढे २ घण्टा र आइतबार साढे २ घण्टा गरी सम्मा ५ घण्टा विमानस्थल अवरुद्ध हुने जनाएको हो ।
नागरिक उड्ययन प्राधिकरणका अनुसार शनिबार दिउँसो २ बजेर ५५ मिनेटदेखि साँझ ५ बजेर २५ मिनेटसम्म तथा आइतबार बिहान ११ बजेर २० मिनेटदेखि दिउँसो १ बजेर ५० मिनेटसम्मका लागि नोटम जारी गरिएको छ । सो बीचमा आन्तरिक र बाह्यतर्फका सबै उडान प्रभावित हुन सक्नेछन् । सो समय चिनियाँ राष्ट्रपति आउँदा र फर्किँदाको हो ।
अन्तर्राष्ट्रिय उडानका लागि पार्किङ सीमितताका कारण समेत उडान तालिका नोटम अवधिको अघि र पछि व्यवस्थापन गरिएको भन्दै प्राधिकरणले संशोधित उडान तालिका सम्बन्धित वायुसेवा कम्पनीबाट प्राप्त गर्न सकिने जनाएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
