धरातलीय यथार्थलाई आत्म स्विकार गर्दै मार्ग स्पष्ट पारौंं -पूर्व राजा ज्ञानेन्द्र

 ३० चैत,काठमाडौं । पूर्वराजा ज्ञानेन्द्र शाहले देश तथा विदेश रहनु भएका सम्पूर्ण नेपालीहरुमा नयाँ वर्ष २०७७को अवसरमा शुभकामना सन्देश दिएका छन् ।

पूर्वराजा ज्ञानेन्द्र शाह ले नयाँ वर्ष २०७७ को पूर्वसन्ध्यामा शुभकामना सन्देश दिँदै सम्पूर्ण नेपालीको सु स्वास्थ्य दिर्घायुको कामना गरेका हुन् । साथै उनले अनादिकालदेखि अवलम्बन गर्दै आएको वैदिक धर्म विश्वकै सर्वश्रेष्ठ र वैज्ञानिक भएको दाबी समेत गरेका छन् ।

शाहको शुभकामना सन्देशमा भनिएको छ, "हाम्रा पुर्खाले अनादीकाल देखि अबलम्बन गर्दै आएको वैदिक सनातन दर्शन, धर्म, संस्कृति, परम्परा तथा जीवन पद्धती नै सर्वश्रेष्ठ र बैज्ञानिक भएको महशुस अहिले विश्व जगतले स्वीकार्दै आएको छ। सन्देशमा कोरोना भाइरसको महामारीबाट देशका विभिन्न भूभाग र विश्वका बिभिन्न देशमा रहि बसेका नेपालीहरु आक्रान्त, सन्त्रास र समस्यामा छन् । यस्तो स्थितिमा देश र आफुलाई सुरक्षित राख्न हामी सबैले सजगता अपनाउनु पर्दछ । नेपाली जनता सधै सुखी र खुसी रहुन एवं देशको शिर सधै सगरमाथाझै उच्च रहोस भन्ने नै हाम्रो अटल चाहना थियो, छ र रहनेछ, भनेर पनि भनिएको छ ।,"
यस्तै गरी, "आफुलाई गौण बनाएर देशको सर्वोच्चताको रक्षार्थ राष्टर र नेपाली जनताप्रति पर्न सक्ने बिभिन्न समयका खतराहरु टार्न हामीले हर सम्भव प्रयास गरेको सर्वविदित नै छ । मानव स्वास्थ्यलाई एकै सताव्दिमा सबै भन्दा ठूलो खतरा सामना गर्नु परेको वेलामा नेपालीहरुले शान्त र सामुहिक रुपले राष्टव्यापी रक्षाको पर्खाल कार्यन्वयन गरेका छन् । तर विद्यमान संकटबाट मुक्ति पाउन र भविष्यमा उत्पन्न हुने अस्वभाविक चुनौतिहरुको सामना गर्न हामी विचको एकता अपरिहार्य हुन पुगेको छ । कसैले कसैलाई निशेध गरेर सोचेको आयु समाप्त भएको धरातलीय यथार्थलाई आत्म स्विकार गर्दै राष्टिय भाव र एकता प्रवलिकरणको मार्ग स्पष्ट गर्न अब पनि सकेनौ भने इतिहासमा अर्को एउटा महाभुल हुने हामीले ठानेका छौ । जारी सन्देशमा उल्लेख छ ।,"

पूर्वराजा शाहले यही जगमा उभिएर देशको अवस्था बलियो बनाउने प्रतिवद्धता लिनसमेत सबैलाई सुझाव दिएका छन् ।