पर्सामा हावाहुरीको कहर , आइसोलेशन वार्डमा क्षति

आरोहण शाह
वीरगञ्ज ९ बैशाख : हावाहुरीका कारण वीरगञ्ज नारायणी अस्पतालमा बनाइएको आइसोलेशन वार्डमा क्षति भएको छ । चार जना कोभिड १९ संक्रमितलाई राखेर उपचार भइरहेको नारायणी अस्पतालको नवनिर्मित आइसोलेसन वार्ड सोमबार राति एक्कासी आएका हावाहुरीले भत्काइदिएको छ । अस्पतालको इमर्जेन्सी वार्डमाथि आइसियु नजिक अस्थाइ रुपमा २० शैयाको आइसोलेशन वार्ड निर्माण गरिएको थियो । बनाइएको आइसोलेशन वार्डको दुइतिर कै आल्मुनियम र सिसाले बनाइएको पर्खाल भत्केपछि उपचार्थ ४ जना कोरोना सक्रमितलाइ नजिककै रहेको आइसियु वार्डमा सारिएको अस्पतालका मेडिकल सुपरिटेन्डेन्ट डा मदन प्रसाद उपाध्यायले बताए । निजी क्षेत्रको सहयोगमा नवनिर्मित आइसोलेसन वार्डमा वैशाख ५ मा अस्पतालको महेन्द्र आरोग्य भवनको आइसोलेसन वार्डबाट ४ जना संक्रमितलाई सारिएको थियो। वीरगन्जको मस्जिदमा बसेका कोरोना संक्रमित ३ भारतीय र रौतटहका एक जनाको उपचार भइरहेको छ ।

यता पर्सा जिल्लाका विभिन्न ठाउँमा क्षति र्पुयाएको छ । किसानले लगाएको बाली नष्ट भएको छ । ३ वटा एफएम स्टेसनको टावरमा क्षति पुगेकाले प्रसारण प्रभावित भएको छ । सोमबार बेलुकी आएको हावाहुरीले बीरगन्जमहानगरपालिका र अन्य पालिकाहरु अन्धकार रहेको छ । हावापानीले धेरै ठाउँमा लाखौंको क्षति भएको छ । विभिन्न ठाउँहरुमा बिधुढका पोलहरु ढलेका छन् ।बिधुतद अविरुद भए पछि धेरै सर्वसाधारणको मोबाइल चार्ज गर्न नपाएको स्थानीय राकेस कुमार साह बताए ।

एक्कासी आएको हावापानीले किसानहरुले लगाएका अन्नबाली नष्ट भएको गुनासो पोखेका छन् । कोरोना भाइरस कोभिड१९ ले प्रभावित भएले अन्नबालीहरु समयमा काट्न नपाएकोले बर्षा भरि लगाएको बाली नष्ट भएकोले दुस् ख लागेको किसानहरुले बताएका छन् । उनीहरूले एक तिर कोरोना भाइरस कोभिड १९ र अर्को्तिर हावापानीले हाम्रो अन्नबाली क्षेतिपुराएको र लाखौंको क्षेति भएको बताए ।