घर जान तीन दिन हिँडेकी १२ वर्षीया बालिकाको बीच बाटोमै मृत्यु

छत्तीसगढ । छत्तीसगढको विजापुर जिल्लाकी १२ वर्षीया केटीको घर जानका लागि लामो यात्रा गर्दा सोमबार थकान र डिहाइड्रेसनको कारण मृत्यु भएको छ । अधिकारीहरूले पीडित जमलो मकडम राज्यका आप्रवासी कामदारहरूको एउटा समूहको सदस्य थिइन् जो तेलंगानाको कन्नईगुडा गाउँमा खोर्सानीमा काम गरिरहेका थिए ।

तेलंगाना उनी काम गर्न गएकी थिइन् । लकडाउन र यातायात को सबै मोडहरूमा प्रतिबन्धित लागेसँगै तिनीहरूले लगभग १५० किलोमिटर लामो पैदल यात्रा गर्न निर्णय गरेका थिए ।
जमलो र अरुले १५ अप्रिलमा आफ्नो यात्रा सुरु गरेको बताइएको छ । तीन दिन हिँडिसकेपछि छत्तीसगढको विजापुर जिल्लाको भण्डारपाल गाउँ नजिकै १८ अप्रिल बालिकाको मृत्यु भएको इन्डिया टुडेले जनाएको छ।

तेलंगानामा काम गर्ने ठाउँ र बीजपुरको दूरी १५० किलोमिटर छ र उनको गाउँबाट करीव ५० किलोमिटर टाढा हुदा बालिकाको मृत्यु भयो । उनले शनिबार बिहान खाना खाएकी तर, पेट दुख्ने र अस्वस्थता भएको गुनासो गरेपछि बिहान १० बजे उनको मृत्यु भएको बिजापुरका प्रमुख चिकित्सा तथा स्वास्थ्य अधिकारी बीआर पुजारीले बताए । मृत्यु भएपछि बालिकामा कोरोनाको परीक्षण गर्दा उनका कोरोनाको संक्रमण देखिएन ।

प्राइमा फेसीले उनको निधन इलेक्ट्रोलाइट असंतुलन, थकान वा डिहाइड्रेसनको कारण भएको बताएकी छिन् । पुजारीका अनुसार समूहका अन्य सदस्यले बच्चाले राम्रो नखाएको कारण मांसपेशी थकाइ भएको बताएका छन् । स्वास्थ्य अधिकारीहरूले उनको शरीरका केही अंगहरूलाई थप मेडिकल अनुसन्धानका लागि सुरक्षित गरेका छन् ।