काठमाडौं । राष्ट्रिय प्रजातन्त्र पार्टीका लोकप्रिय नेता राजेन्द्र लिङदेनले कुनै समुदायमा एउटाले गल्ती गर्दा पूरै समुदायलाई आलोचना गर्ने प्रवृत्ति प्रति आपत्ति जनाएका छन ।
उनले जनता समाजवादीका नेता एवं पूर्वप्रधानमन्त्री बाबुराम भट्टराईले टपरे बाहुन भन्दै जाती विशेषमाथि कटु आलोचना गरेको सन्दर्भमा सामाजिक सञ्जालमा उक्त टिप्पणी गरेका हुन् । उनले भनेका छन्, ‘एउटा मारवाडीले गल्ति गर्दा सबै मारवाडीलाई गाली, केही मुसलमानले गल्ती गर्दा पूरै मुस्लिम समुदायलाई प्रताडना र केही पुरेतले गल्ती गर्दा सिंगो जातलाई लाञ्छना ! किन हामी यति धेरै जातमुखी भयौं ? के हामीले बिर्सियौं ‘वसुधैव कुटुम्बकम’को सनातन परम्परा यही पावनभूमिबाट प्रारम्भ भएको ?’
जातीय राजनीतिको चर्को आलोचना गर्दै आएका लिङदेन प्रतिनिधिसभामा राप्रपाबाट निर्वाचित हुने एक मात्रै प्रतिनिधि हुन् । जातीय वैमनस्यता सिर्जना गर्ने, राष्ट्रिय एकतामा खलल पुर्याउन, नेपालको परम्परागत संस्कृतिको आलोचना गर्ने जस्ता क्रियाकलापका कारण आलोचित बन्दै आएका बाबुरामलाई उनले सामाजिक सञ्जालमार्फत कडा जवाफ दिएका हुन् ।
उनको यो भनाइ प्रति सर्वसाधारणले पनि सहमती जनाएका छन ।
