राप्रपा अध्यक्ष कमल थापा सप्ताहब्यापी चीन भ्रमण सम्पन्न गरी आज स्वदेश फर्कीएका छन ।
गत ८ कात्तिकमा आइटिएफ ग्रेड वान टुर्नामेन्टअन्तर्गत आइटिएफ सेनजेन सिनियर्स सर्किट २०१९ प्रतियोगितामा भाग लिन चीन जानुभएका अध्यक्ष थापा आज विहान ११ः१० बजे स्वदेश फर्किएका हुन् ।
थापाले टेनिस प्रतियोगिताको पहिलो खेलमा जितेका थिए भने दोस्रो खेलमा अग्रता कायम रहँदारहँदै अस्वस्थ्य भई खेल छाडेका थिए । आज अध्यक्ष थापालाई त्रिभुवन बिमानस्थलमा नेता कार्यकर्ताहरुले स्वागत गरेका थिए ।
यसैबीच, राप्रपाले २२–२४ कात्तिकमा तेस्रो चरणको ‘स्वाभिमान यात्रा’ गर्ने भएको छ । संगठन सुदृढीकरणका साथै पार्टीका राजनीतिक कार्यक्रम प्रचार गर्ने उद्देश्यले आयोजना गरिएको यात्रा सिन्धुलीबाट सुरु भई रामेछाप, दोलखा र सिन्धुपाल्चोक हुँदै काभ्रेपलाञ्चोकमा समापन गरिने राप्रपाले जानाएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
