भोलीबाट नेपालगन्जमा निषेधाज्ञा

भिम पौडेल,बाँके । कोरोना संक्रमणको जोखिम बढेपछि जिल्ला प्रशासन कार्यालय बाँकेले भोलिदेखि नेपालगन्जमा निषेधाज्ञा जारी गरेको छ ।
आज बसेको जिल्ला सुरक्षा समितिको आकास्मिक बैठकले नेपालगन्जलाई भोली विहान ११ बजेदेखि लागु हुनेगरी तीन दिनसम्मकालागि निषेधित क्षेत्र घोषणा गर्दै आगामी २५ गते राती १२ बजेसम्म लागु हुने गरी निषेधित क्षेत्र घोषणा गरिएको बाँकेका प्रमुख जिल्ला अधिकारी कुमार बहादुर खड्काले जानकारी दिए।

निषेधाज्ञाको समयमा संचारकमीर्, सुरक्षाकर्मी, स्वास्थ्यकर्मी र स्वाव संकलनमा खटिने कर्मचारी बाहेक अरु सवैलाई हिडडुलमा प्रतिबन्ध लगाइएको छ । नेपालगन्ज उपमहानगरपालिका ८ जोलहनपुरुवामा ८ परिवारका १६ जनामा कोरोना पुष्टि भएपछि प्रशासनले मानिसहरुको मुभमेन्ट रोक्न निषेधाज्ञा जारी गरेको जनाएको छ । कोरोनाको त्रासका कारण नेपालगन्जका अधिकांश टोलहरु स्थानीय आफैले पनि सील गरेका छन् ।
बैठकले सब्जीमण्डीलाई अर्को निर्णय नभए सम्मका लागि बन्द गर्ने निर्णय समेत गरेको छ । आज बसेको बैठकले सुरक्षाकर्मी, स्वास्थ्यकर्मी, स्वाव संकलन गर्ने र कन्ट्याक्ट ट्रेसिङ्गका जनशक्ति बाहेक अनयसबैलाई आवागमनमा रोक लगाउने निर्णय गरिएको छ ।
आफ्नो क्षेत्र सुरक्षित गर्ने बहानामा कुनैपनि किसिमले बाटो छेक्ने, राजमार्ग रोक्ने कार्य कोही कसैबाट गर्न नपाइने र त्यस प्रकारको कार्य गरेमा कानुन अनुसार कारवाही समेत गर्ने निर्णय गरेको छ । सामाजिक तथा धार्मिक सद्भावमा आँच आउने, खलल पर्ने सामाग्री प्रकाशन, प्रसारण र पोष्ट गर्ने व्यक्तिको पहिचान गरी तत्काल कानुनी दायरामा ल्याउने निर्णय समेत बैठकले गरेको छ ।