पूर्वमन्त्री लोकेन्द्र विष्ट मगरले ६ महिना मै ड्रागन फल फलाए

सुमन केसी,
७ माघ, दाङ,
राजनीतिलाई त्यागेर ब्यवसायी कृषी पेशामा लागेका पूर्वमन्त्री लोकेन्द्र विष्टमगरले दाङको विजौरीमा शुरु गरेको ड्रागन फल (रातीकी रानी) रोपेको ६ महिना मै फलाउन सफल भएका छन् । दुई पटक मन्त्री भएसकेका विष्ट मगर पछिल्लो समय राजनीतिलाई छाडेर व्यवसायिक कृषि पेशामा लागेका हुन ।

केही वर्षदेखि विभिन्न स्थानहरुमा कालो धानको खेती गर्दै आएका उनिले गतबर्ष बैशाख÷जेष्ठदेखि दाङको तुलसीपुर उपमहानगरपालिका १८ बिजौरीमा ६६ कठ्ठा जमिन १५ बर्षको लागि भाडाँमा लिएर ड्रागन फल खेती सुरु गरेका हुन् । पूर्व पर्यटन तथा स्वास्थ्य मन्त्री विष्टमगरले करिब १५ बर्षको लामो अनुसन्धानबाट यो खेतीको सुरु गरेको बताए । ठुला ठुला विरुवाहरु रोपेको ९ महिना भयो, उनले भने, तर ६ महिना भित्र फलिसकेका छन् । सुरुमा कम फलेको थियो, त्यो समय फल्न समय थिएने । यो फल्ने समय असार, साउन र भाद्र महिना हो । यो विरुवा रोपको करिब २ बर्ष भित्र फल्ने गरेको भएपनि विरुवाहरु छिप्पेको हुनाले रोपको ६ महिनामा फलेको उनले वताए ।

यो फलको नेपालमा भित्रिएको अहिले १८ बर्ष भयो । अहिले संसार ड्रागन फुटमय भएको बताउँदै उनेले यो फलमा मानव शरिरमा रोगसंग लड्न सक्ने तत्व पाईने भएकाले अहिले संसारमा यसको महत्व बढ्दै गएको उनले बताए । ड्रागन खेती भित्री तराई–मधेश क्षेत्रमा उपयुक्त हुने गर्दछ । अहिले रोपेको विरुवाहरु २०÷२५ वर्षसम्म फल दिने समेत उनले बताए । उनले अबको सिजनमा करिब ५० कुइन्टलसम्म फल्ने र एउटा बोटबाट ३ देखि ५ किलोसम्म फल्ने बताए । बजारमा अहिले यसको मुल्य ७ सय देखि १९ सयसम्म छ ।

कृषीलाई पर्यटनसंग जोड्न पनि नेपालमा ठुलाठुला फर्महरु संचालन गर्नु पर्ने मगरको भनाइ छ । उनि भन्छन्, कृषी आफैमा पर्यटकीय गन्तब्य भएकाले नेपालमा बाझा जमिनमा नयाँनयाँ खेती गर्नसके पर्यटकीय गन्तब्य हुने छ । पूर्व मन्त्री विष्टको फर्ममा ड्रागन फ्रूटको बोटहरु निकै आकर्षक ढंगले हुर्किएका छन् । नांगो डाँडोमा ड्रागन फ्रुटको विरुवाहरु हुर्काएर सबैलाई चकित पार्नु भएको छ । विष्टको जाँगर र मेहनतले ‘गरे के हुँदैन’ भन्ने प्रमाणित भएको छ ।