सानै उमेरमा अर्वपति बनेर विश्वलाई चकित् बनाएकी युवतीको अचानक मृत्यु

एजेन्सी । सानै उमेरमा अर्बपति भएर विश्वलाई चकित् पारेकी युवतीको निधन भएके छ । उनको हृदय घा तका कारण निधन भएको बताइएको छ । सोशल कम्युनिटी प्लेटफर्म ‘पंखुडी’ र घर भाडामा दिने स्टार्टअप ‘ग्राभहाउस’ जस्ता स्टार्टअपकी संस्थापक पंखुडी श्रीवास्तवको निधन भएको हो । झाँसीमा जन्मिएकी उनी सानै उमेरमा अर्वपति बनेकी थिइन् । हालै ३२ वर्ष पुगेकी अर्बपति उद्यमी महिला पंखुडी श्रीवास्तवको निधन भएको अन्तराष्ट्रिय मिडियाले जनाएका छन् ।

उनी कम्पनीको प्रमुख कार्यकारी अधिकृत थिइन् । कम्पनीले सामाजिक सञ्जाल मार्फत उनको निधन पुष्टि गरेको छ । ट्वीटमा भनिएको छ, ‘हाम्रो कम्पनीको प्रमुख कार्यकारी अधिकृत पंखुडी श्रीवास्तवको २४ डिसेम्बरमा अचानक हृदय घा’तका कारण निधन भयो ।’ उनका बुबा र कान्छो भाइ बेङ्गलोरमा छन् ।

पंखुडी श्रीवास्तवले आफ्नो बाल्यकालका साथी, काजू व्यवसायी आदित्यराज शर्मासँग २ डिसेम्बर २०२० मा झाँसी नजिकैको ओरछाको एउटा होटलमा विवाह गरेकी थिइन् । २ डिसेम्बर, २०२१ उनको विवाहको पहिलो वार्षिकोत्सव थियो । कान्छो भाइले बहिनी मुम्बई पुगेपछि बस्नको लागि फ्ल्याट चाहिएको सुनाए ।

उनले भाडामा फ्ल्याट पाउन धेरै कठिनाइको सामना गर्नुपरेको थियो । दलालहरूलाई चर्को शुल्क तिर्नुपरेको अनुभव उनीसँग थियो । त्यसपछि घर भेटियो। फल्याट खोज्दा निकै दुख पाएकी उनले कम्पनी नै खोल्ने निर्णय गरिन् । ठूला शहरमा मानिसहरूले घर पाउन धेरै संघर्ष गर्नु नपरोस् भनेर उनले कम्पनी शुरू गरेकी थिइन् ।

उनले २० हजार रुपैयाँमा २०१२ मा ग्राभहाउस कम्पनी खोलेकी थिइन् । कम्पनीले यति धेरै लोक प्रियता हासिल गर्यो कि त्यसको वार्षिक कारोबार लगभग भारु ७२० करोड रुपैयाँ पुग्यो । उनलाई रतन टाटाले डिनरमा निम्तो दिएका थिए । सन् २०१६ मा नगद र इक्विटी सम्झौतामा अनलाइन क्लासिफाइड कम्पनी क्विकरलाई बेचेकी थिइन् ।