काठमाडौं । राजा ज्ञानेन्द्र शाहले भक्तपुरस्थित तलेजु भवानीको दर्शन गर्नुभएको छ ।
आइतबार अपरान्ह ३ बजेर २० मिनेट जाँदा उँहाले तलेजु भवानी र भैरवनाथको दर्शन गर्नु भएको हो । साथै उहाँले भक्तपुर दरबार क्षेत्रको अवलोकन समेत गर्नु भएको थियो । भक्तपुरवासीको निमन्त्रणामा दरबार क्षेत्र पुग्नुभएका राजा शाहलाई भक्तपुरवासीले भव्य स्वागत गरेका थिए । राजा शाह त्यहाँ पुग्दा भक्तपुर दरबार स्वायकरमा भीड थामिनसक्नु थियो । सुरक्षाकर्मी र स्वयमसेवकलाई भीड व्यवस्थान गर्न हम्मे हम्मे परेको थियो ।
हात हातमा देशको झण्डा बोकेका जुनसुकै वर्गका सर्वसाधारण घामको परवाह नगरी घण्टौं लाइनवद्ध भएर राजालाई भेट्न कुरी बसेका उनिहरुले नेताले केही गर्न सकेनन् भन्दै अब राजा र राजसंस्था चाहिने बताए । उनिहरुले अब राजा र राजसंस्थाकालागि देशभर आन्दोलन गर्ने पनि बताए । सयौै राजा पाल्नु भन्दा एक राजा पाल्नु राम्रो हुने भन्दै उनिहरुले सबै राष्ट्रवादी शक्तिहरुलाई एक मोर्चा बनाएर आन्दोलनमा आउन पनि आह्वान गरेका छन् ।
उनिहरुले ‘हाम्रो राजा हाम्रो देश प्राणभन्दा प्यारो छ’ ‘राजसंस्था जिन्दावाद’, ‘राजा आऊ देश बचाऊ’ ‘जनता आऊ राजा ल्याऊ’ जस्ता नारा लगाएर राजा शाहको स्वागत र सम्मान गरेका थिए । जुन देशमा बढ्दो भ्रष्टाचार, बेरोजगारीलगायतका कारण राजनीतिक दलका क्रियाकलापप्रति बढ्दो वितृष्णा र राजसंस्थाप्रतिको आस्था भएको प्रष्ट देखिन्छ । भक्तपुरको मौलिक परम्परा झल्कने नृत्य प्रस्तुत गरिदा राजा शाहले अभिरुची पूर्वक अवलोकन मात्रै गर्नुभएन स्थानीय पसल पसलमा छिरेर अवलोकन समेत गर्नुभयो । राजाको यो व्यवहार देखेर स्थानीय पनि हर्षले विभोर भएका देखिन्थे । यतिमात्रै होइन राजा शाहले आफूलाई भेट्न आएका सर्वसाधारणको हात समातेर सदभाव समेत प्रकट गर्नुभएको थियो ।
तलेजु भवानी र भैरवनाथको दर्शन र दरबार क्षेत्रको अवलोकन पछि राजा शाहले नजिकै रहेको एक होटलमा त्याहाका नागरिकसंग भेटघाट तथा संवाद गर्नुभएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved