कौशीखेती फोहोरलाई मोहोर बदल्ने अवसर

असार २५, २०७७

कालापानी मिडिया

इटहरी । घरमा विशेषगरी भान्साबाट निस्कने फोहोरलाई (लसुन, अदुवा, आलुका बोक्रा, सागपात) संकलन गरेर छुटटै बाल्टिनमा राखेर कौशी खेत गर्न सकिन्छ । त्यही फोहोरलाई कुहाएर कम्पोष्ट मल तयार पार्न सकीन्छ । यो बिधीले उत्पादन बढाउने र फोहोरमैला व्यवस्थापनको सर्वोत्तम बिकल्प हुन सक्ने बताउँछन कृषि बिज्ञ डा.राजेन्द्र उप्रेती ।
शहरी क्षेत्रमा फोहोर उत्सर्जनको अनुपात दैनीकरु रुपमा बढीरहेकोले त्यसको व्यवस्थापनको सर्वाेत्तम विकल्प कौशीखेती भएको उनको भनाईछ । डा उप्रेती संगै सहमत छन् ठाकुर भन्छन्, ‘कुहीने फोहोरको व्यवस्थापन ठुलो चुनौती हुँदै गएको छ । तर त्यसलाई घरैमा कुहाएर मलको रुपमा प्रयोग गर्न सक्दा धेरै फाइदा हुन्छ ।’
त्यसको लागी गड्यौलाको प्रयोगबाट कम्पोष्ट मल बनाएर उपयोग गर्न सकिने उनको तर्कछ । यसले वातावरण प्रदुषण नियन्त्रण मात्र नभइ शहरी क्षेत्रमा हरियाली प्रर्बद्धन हुने र सफा तरकारी खान पाइने ठाकुरले बताए । पुराना भाडा, प्लास्टीकका बोतल, कार्टुन लगायत फोहोरलाई तरकारी रोप्ने काममा प्रयोग गर्न सकिने उनी बताउँछन् । यसले गर्दा ५० प्रतिशत फोहोर उत्सर्जनमा कमी आउने उनको बिश्वासछ ।
‘एउटा सामान्य परीवारको भान्सामा दैनीक सरदर १ देखी ३ केजी सम्म कुहीने फोहोर उत्पादन हुन्छ ।,’ उनले भने, ‘त्यही फोहोरलाई कम्पोष्ट मल बनाउने हो भने कुनैपनि रसायनीक मलको आवश्यकतानै पर्दैन । तर त्यसको लागी थोरै मेहनत गर्नुपर्ने हुन्छ ।’

प्रतिक्रिया दिनुहोस