काठमाडौं । स्वदेशी उत्पादनले बजार र बजार भाउ नै नपाएको भन्दै किसानले आज विरोधस्वरूप सडकमा गोलभेँडा फालेका छन् ।
स्वदेशी उत्पादन प्रतिकिलो ८ रूपैयाँ थोक मूल्य हुँदा पनि बिक्री नभएको भन्दै उपत्यकाका किसानले सडकमै गोलभेँडा फालेर विरोध जनाएका हुन् ।
बजार भाउ नपाएको विरोधमा र सरकारलाई सचेत गराउन आज कालिमाटी फलफूल तथा तरकारी बजारमा सडकमा गोलभेँडा फालेर विरोध किसानहरुको भनाई छ ।
अर्गानिक युवक किसान सङ्घको सचिवसमेत रहेका फुयालले काठमाडौँ उपत्यकामा ३५ सय रोपानी क्षेत्रफलमा गोलभेँडा खेती भइरहेको छ।
तर देशको सबैभन्दा ठुलो र मुख्य तरकारी बजार कालिमाटीमै गोलभेँडाको थोक मूल्य ८ रूपैयाँ प्रतिकिलो छ । यसको न्यूनतम मूल्य प्रतिकिलो ६ रूपैयाँ र अधिकतम मूल्य १० रूपैयाँ कायम रहेको बजार विकास समितिले जनाएको छ । समितिको वेबसाइटमा राखिएको तरकारीको मूल्यसूचीमध्ये सबैभन्दा सस्तो नै स्वदेशी गोलभेँडाको मूल्य देख्न सकिन्छ ।
यसको अर्थ देशको सबैभन्दा ठुलो तरकारी बजारमा बिक्ने कैयौँ तरकारीमध्ये स्वदेशी गोलभेँडा सबैभन्दा सस्तो छ । कालिमाटीमा हाल दुई प्रकारका गोलभेँडा बिक्रीवितरण हुँदै आएको छ । त्यहाँ ठुलो गोलभेँडा भारतीय र सानो गोलभेँडा ९टनेल नेपाली० गरी दुई प्रकारको गोलभेँडा बिक्री भइरहेको हो ।
कालिमाटीलगायत देशका सम्पूर्ण स्थानमा स्वदेशी गोलभेँडाले न्यून मूल्यमा समेत बजार नपाइरहेको अवस्थामा भारतीय गोलभेँडा भने प्रतिकिलो ४५ रूपैयाँमा बिक्री भइरहेको छ ।
तीन महिनाको अवधिमा उपत्यकाको उत्पादनले नै सम्पूर्ण देशको माग धान्न सक्ने उत्पादकहरूको भनाइ छ । आर्गानिक युवक किसान सङ्घका अनुसार हाल उपत्यकाका गोलभेँडा काठमाडौँ र पोखराबाहेक अन्यत्र बिक्री भइरहेको छैन । काठमाडौँको पनि थोरै हिस्सा मात्रै स्वदेशी गोलभेँडाले ओगटेको छ । कालिमाटी बजार विकास समितिले नै भारतीय गोलभेँडालाई प्राथमिकतामा राख्ने गरेको किसानहरूको आरोप छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
