बन्द हुन लागेको चीज कारखाना स्थापना

इलाम । इलामको सन्दकपूर गाउँपालिका–३ बाट हटाउन लागेको चीज उद्योग स्थानीय महिला कृषकहरुले पुनःस्थापना गरेका छन् । दूध संकलन कम रहकाले दुग्ध विकास संस्थानले हटाउन थाहा पाएपछि महिला समूहका सदस्यहरुले उद्योगको पूर्वाधार निर्माण गरि पुनःस्थापना गरेका हुन् ।

सन्दकपूर ३ देउरालीमा रहेको चीज कारखाना २ वर्ष अघि नै बन्द गर्ने दुग्ध विकास संस्थानको निर्णय थियो । ७ वर्ष अघि स्थापना भएको चीज कारखानामा दूध संकलन नभएको भन्दै संस्थानले चीज उद्योग बन्द गर्ने निर्णय माई पताल महिला दुग्ध उत्पादक सहकारी संस्थाका सदस्यरुहले बन्दको निर्णय उल्ट्याए ।

चीज कारखानामा खटिने कर्मचारीका कारण अस्तव्यस्त भएको चीज कारखानामा दैनिक ५ सय लिटर दूध संकलन गर्ने प्रतिवद्धता उनीहरुले दिलाए । त्यसपछि चीज कारखानाको आफ्नै भवन निर्माणका लागि सहयोग जुटाएर भौतीक संरचना पनि तयार भयो ।
भाडाको घरमा संचालन हुँदै आएको चीज उद्योगको आफ्नै भवन निर्माणको काम घरलौरी किसानले सहयोग गरे । उद्योग पुनःस्थापना भएपछि अहिले दैनिक साढे चार सय दूध प्रशोधन हुँदै आएको चीज उत्पादन केन्द्रका प्रमुख गणेश पुरीले बताए ।

दूध संकलनका लागि महिलाहरुले किसानका घर–घरमा दुध संकलनका अनुरोध गरियो । किसानलाई दूधको गुणस्तर र मूल्यबारे जानकारी दिएपछि दूध संकलन वृद्धि हुँदै आएको छ ।

अहिले चीज उद्योगमा दैनिक ४० किलो चीज उत्पादन हुँदै आएको हो । बन्द हुन लागेको चीज उद्योग पुनः संचालन भएपछि किसानले फ्याट र एस एन एफको आधारमा प्रतिलिटर ६८ रुपैयाँसम्म मूल्य पाउँदै आएका छन् । चीज उद्योगको भौतीक संरचना निर्माणका लागि सन्दकपूर गाउँपालिकाले तीन लाख रुपैयाँ आर्थीक सहयोग गरेको थियो ।