काठमाडौं । भारतमा एकै दिन १६ हजार भन्दा बढी मानिसमा कोरोना संक्रमण पुष्टि भएको छ । भारतमा कोरोना संक्रमणबाट गत २४ घण्टामा ४१ जनाको मृत्यु भएको भारतको स्वास्य मन्त्रालयले जनाएको छ । योसँगै कोरोना सुरु भएदेखि हालसम्म ५ लाख २६ हजार ७ सय ३० मानिसको मृत्यु भइसकेको छ ।
भारतमा सोमबार १५ हजार ५ सय ४९ जना कोरोना संक्रमित कोरोना मुक्त भएका छन् । यसैसँगै कुल ४ करोड ३४ लाख ९९ हजार ६ सय ५९ जना मानिस कोरोना मुक्त भएका छन् ।
भारतको स्वास्य मन्त्रालयले दिएको जानकारी अनुसार दैनिक १६ हजारको दरले कोरोना संक्रमित थपिने गरेको जनाएको छ। भारतको राजधानी नयाँ दिल्ली, राजस्थान र केरेलामा कोरोना संक्रमण दर तीब्र रुपमा बढेको छ ।
भारतमा हाल कुल कोरोना सक्रमितको संख्या ४ करोड ४१ लाख ६१ हजार ८ सय ९९ पुगेको छ । भारतमा दैनिक संक्रमितको संख्यामा उतारचढाव भइरहेको छ । भारतमा अहिले संक्रमित अवस्थामै रहेका मानिसको संख्या १ लाख ३६ हजार ५ सय १० जना रहेको छ ।
भारतमा संक्रमित हुने भन्दा पनि संक्रमणमुक्त हुने मानिसको संख्या बढी रहेको भारतको स्वास्य मन्त्रालयले जनाएको छ ।भारतमा कोरोना संक्रमण दर उकालो लाग्ने क्रम तीब्र रुपमा बढेको देखिन्छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
