तीन जिल्लालाई जोड्ने तीनमुखे पुल उद्धघाटनको प्रतिक्षामा

डिबी खड्का,
गुल्मी । शिलान्यस गरिएको झण्डै आठ वर्ष पछि तीन जिल्लालाई जोड्ने तीनमुख झोलुङ्गे पुल उद्धघाटनको प्रतिक्षामा रहेको छ । गुल्मी ,पाल्पा र स्यांजालाई जोड्ने कालीगण्डकी नदीमा निमार्ण सम्पन्न पुलले तीन जिल्लाको भुगोल संगै मन पनि जोडेको छ भने पर्यटन प्रर्वद्धनमा समेत महत्वपुर्ण ढोका खुलेको छ ।

तत्कालिन नेपाल सरकारका मुख्य सचिव लिलामणी पौडेल र संमिधान सभा सदस्य चन्द्र भण्डारीले शिलान्यस गरेको तीनमुखे झोलुंगे पुल अन्ततः झण्डै आठ वर्ष पछि निमार्ण सम्पन्न भएको छ ।

२०७१ मंसिर २१ गते तीन जिल्लालाई जोड्ने उक्त पुलको शिलान्यस पौडेल र भण्डारीले संयुक्त रुपमा गरेका थिए । नौ करोड ८८ लाख लागतमा सम्पन्न भएको यस तीनमुखे झोलुगे पुलले गुल्मी ,पाल्पा र स्यांजा जिल्लाका नागरीकलाई खुसी दिएको छ भने पर्यटन प्रर्वद्धनमा समेत टेवा पुराएको छ ।

झोलुगें पुल निमार्ण भए संगै मेलापात गर्ने देखी बजारमा किनमेल गर्ने र विद्यार्थीलाई समेत फाईदा पुराएको छ । तीनमुखे झोलुङ्गे पुलले गुल्मीको रुरुक्षेत्र गाउँपालिका वडा नम्बर १ रिडी, पाल्पाको तानसेन नगरपालिका वडा नम्बर १४ अर्गली र स्याङ्जाको कालीगण्डकी गाउँपालिका वडा नम्बर १ चण्डीभञ्ज्याङ जोडेको छ ।

एसियाकै नमुना भनिएको यस पुलको बनावट पनि निकै चाखलाग्दो रहेको छ । कालीगण्डकी नदीको बीचमा ९ मिटर रनिङ गोलाई भएको स्तम्भ निर्माण गरिएको छ । पुलमा २५ मिटर उचाईको भ्युटावर, बीचमा निर्माण भएको स्तम्भबाट तीन जिल्लासम्म पुग्न तीनै तर्फ १ सय ७७ मिटर लामो झोलुङ्गे पुलको निर्माण भएको छ । नमुना पुल भएकै कारण धेरै टाढा बाट समेत मानिसहरु पुल हेर्नको लागी मात्रै भएपनि आउने गर्दछन् ।

पाल्पा चारधाम मध्येको एक धाम रिडीको विकासको लागी यस झोलुगें पुल कोशे ढुगां सावित हुन सक्दछ । पुलाई थप आक्रषित बनाउनु पर्ने स्थानीयको माग समेत रहेको छ । तिनै जिल्लाका तीन वटै स्थानीय तह संगको समन्वयमा पुलको उद्धघाटन गरिने र केन्द्र सरकारले पुलको स्वामित्व हस्तान्तण गरे पुलमै कफि सप चलाउने योजना रुरु गाउँपालिकाको रहेको छ ।

झेलुगें पुल निमार्ण भए संगै तीनै जिल्लाको जिवनयापनमा सहजता त ल्याएकै छ भने पर्यटक भित्राउन पनि सफल भएको छ ।