अमेरिका र ब्राजिलमा कोरोना भाइरसको भयावह स्थिति

अमेरिकामा कोरोना भाइरसबाट संक्रमितको संख्या २० लाख नाघ्यो, ब्राजिलमा एकैदिन १३ सय जनाको मृत्यु, ३३ हजार भन्दा बढी संक्रमित

जेठ २९, २०७७

कालापानी मिडिया

काठमाडौं । अमेरिकामा कोरोना भाइरसबाट संक्रमितको संख्या २० लाख नाघेको छ ।
केहीबेर अघिको तथ्याङ्क अनुसार अमेरिकामा १ लाख १५ हजार भन्दा बढीको मृत्यु भएको छ भने ८ लाख १ हजार भन्दा बढी मानिस उपचारपछि घर फर्केका छन् ।

पछिल्लो २४ घण्टामा मात्रै अमेरिकामा थप ९ सय ८१ जनाको मृत्यु भएको छ भने २० हजार भन्दा बढी नयाँ संक्रमित थपिएका छन् । यस्तै, ब्राजिलमा पछिल्लो २४ घण्टामा १३ सय मानिसको मृत्यु भएको छ भने ३३ हजार एक सय भन्दा बढी संक्रमित भएका छन् ।

सोही अवधिमा मेक्सिकोमा ५ सय ९६ जनाको मृत्यु हुँदा ४ हजार १ सय ९९ संक्रमित थपिएका छन् । यस्तै, भारतमा ३ सय ८८ जनाको मृत्यु भएको छ भने २ हजार ३ सय ७५ संक्रमित थपिएका छन् ।

बेलायतमा २ सय ४५ जनाको मृत्यु हुँदा १ हजार तीन संक्रमित थपिएका छन् । यस्तै,२४ घण्टामा चिलीमा १ सय ९२ जनाको मृत्यु भएको छ भने ५ हजार ७ सय ३७ जना संक्रमित भएका छन् ।

प्रतिक्रिया दिनुहोस