विश्व । विश्वभर कोरोना भाइरस संक्रमितको संख्या ९० लाख लाघेको छ । अकेरिका स्थित जोनस हप्किन्स विश्वविद्यालयको तथ्यांक अनुसार कोरोना संक्रमितको संख्या ९० लाख ७५ हजार ५ सय ५५ पुगेको हो ।
हालसम्म कोरोनाक कारण विश्वभर ४ लाख ७० हजार ७ सय १६ जनाको मृत्यु भइसकेको छ । अझ मेक्सिकोमा कोरोना भाइरसको संक्रमण निकै डरलाग्दोरुपमा अघि बढेको छ । विगत २४ घण्टामा मेक्सिकोमा कोरोना भाइरसको संक्रमणबाट सबैभन्दा धेरै १ हजार ४४ जनाको मृत्यु भएको छ भने ५ हजार ३ सय ४३ जना संक्रमित भएका छन् ।
मेक्सिकोमा मृत्यु दर दैनिक बढ्न थालेपछि चिन्ता थपिएको हो । हालसम्म कुल मृत्यु संख्या करिब २२ हजार पुगेको छ भने कुल संक्रमित १ लाख ८१ हजार पुगेको छ । यस्तै, पछिल्लो २४ घण्टामा ब्राजिलमा ७ सय ४८ जनाको मृत्यु भएको छ भने २४ हजार ३ सय ५८ जना संक्रमित भएका छन् ।
सोही अवधिमा अमेरिकामा ३ सय ६२ जनाको मृत्यु हुँदा ३१ हजार ३ सय ९३ संक्रमित थपिएका छन् । यस्तै, भारतमा ३ सय १२ जनाको मृत्यु भएको छ भने १३ हजार ५ सय ४० संक्रमित थपिएका छन् । २४ घण्टा भित्र पेरुमा १ सय ७८ र इरानमा १ सय १९ जनाको ज्यान गएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
