निष्ठा, साहस र सादगीका पर्याय डा. फनिराज पाठक

"आदरणीय डा. फनिराज पाठकज्यू, तपाईंको सादगी र साहस हामी सबैका लागि प्रेरणाको स्रोत हो। जन्मदिनको यस पावन अवसरमा लाखौं लाख शुभकामना !

अनुपमा जोशी ।

प्राध्यापक डा. फणिराज पाठक नेपाली बौद्धिक जगत् र प्रशासनिक क्षेत्रका एक सम्मानित व्यक्तित्व हुनुहुन्छ। राजदरबारको गरिमामय सेवामा लामो समय देखि कार्यरत डा. पाठक आफ्नो व्यावसायिक जीवनमा जति प्रखर हुनुहुन्छ, व्यक्तिगत जीवनमा त्यति नै सरल र आध्यात्मिक हुनुहुन्छ। उहाँको जीवन 'सत्य र न्याय' को पक्षमा उभिने एक साहसी यात्रीको कथा हो।

​शक्ति र पहुँचको नजिक रहँदा धेरै मानिसहरू स्वार्थको घेरामा रुमल्लिन्छन्, तर डा. पाठकले सधैं सत्यलाई शिरोपर गर्नुभयो। शक्ति र सत्ताको केन्द्र (राजदरबार) मा रहेर पनि उहाँले कहिल्यै सत्यसँग सम्झौता गर्नुभएन। नीतिगत छलफल होस् या रिपोर्टिङ, "गलतलाई गलत र सहीलाई सही" भन्न सक्ने उहाँको निडर स्वभावले उहाँलाई एक 'निष्पक्ष विद्वान' को रूपमा स्थापित गरेको छ।

उहाँको सबैभन्दा ठूलो पुँजी भनेकै उहाँको साहस हो। गलतलाई गलत र सहीलाई सही भन्ने उहाँको निडर स्वभावले उहाँलाई अन्य प्रशासकहरूभन्दा भिन्न बनाउँछ। उहाँलाई नगिजबाट चिन्ने जानकारहरु बताउछन्, उहाँको कार्यशैलीमा 'काखा र पाखा' को राजनीति कहिल्यै अटाएन । ​उहाँ "बायाँ हातले दिएको सहयोग दायाँ हातले थाहा नपाओस्" भन्ने सिद्धान्तमा विश्वास गर्नुहुन्छ।

आफ्नो पारिश्रमिकको ठूलो हिस्सा उहाँले विपन्न बालबालिकाको शिक्षा र सामाजिक कार्यमा खर्च गर्दै आउनुभएको छ। आर्थिक अवस्था कमजोर भएका कैयौँ बालबालिकाहरू आज उहाँकै सहयोगमा विभिन्न विद्यालयमा निःशुल्क शिक्षा लिइरहेका छन्, उनिहरुले विध्यालयको ढोका देख्न पाएका छन । यस्ता कैयौँ बालबालिकाहरूका लागि उहाँ एक 'अदृश्य अभिभावक' बन्नुभएको छ। बाहिरी रूपमा कठोर अनुशासनको पालना गर्ने डा. पाठक भित्रैदेखि कोमल र आध्यात्मिक हुनुहुन्छ। आफ्ना माता-पिताको स्मृतिमा बाल आश्रम र वृद्धाश्रमहरूलाई सहयोग पुर्‍याउनु उहाँको जीवनको नियमित संस्कार बनेको छ, कृतज्ञताको प्रमाण बनेको छ । "मर्दा कसैले केही लैजाँदैन र दिँदा कहिल्यै सकिँदैन" भन्ने गहिरो आध्यात्मिक र मानवीय दर्शन बोक्नुभएका पाठक, मानवतावादी सोचले ओतप्रोत हुनुहुन्छ।

जीवनको ६ दशक पार गरिसक्दा पनि डा. पाठकमा युवाको जस्तो जोश र तत्परता कायम छ। उहाँ एक जिम्मेवार नागरिक, पितृ-भक्त छोरा र परिवारका लागि कुशल अभिभावकको भूमिकालाई सन्तुलित रूपमा निर्वाह गरिरहनुभएको छ। "सत्य जे हो, त्यही गर्नु र देख्नु" नै उहाँको जीवनको मूल मन्त्र हो। ​समग्रमा भन्दा डा. फणिराज पाठकको जीवनले यो सिकाउँछ कि पद र शक्तिमा रहेर पनि आफ्नो नैतिकता र मानवीय संवेदनालाई जीवित राख्न सम्भव छ।

उहाँको सादगी र साहस नयाँ पुस्ताका लागि एक जीवन्त पाठशाला हो। समाजमा सकारात्मक प्रभाव पार्ने र आफ्नो मुल्य-मान्यतामा अडिक रहने उहाँजस्ता साहसी पुरुषको आज जन्म दिन । जन्मदिनको शुुुभ अवसरमा उहाँको सुस्वास्थ्य, दिर्घायु र आगामी दिनमापनी यस्ता उर्जा मिलिरहोस भन्ने कामना गर्दछु  ।

शुुुभ जन्म दिन !

????????????