काठमाडौं । नवनियुक्त अर्थमन्त्री डा. स्वर्णिम वाग्लेले पदभार ग्रहण गरेसँगै तीन निर्णय गरेका छन् । उनले अर्थतन्त्रमा संरचनात्मक सुधारका कदम चाल्ने भन्दै पदभार ग्रहणलगत्तै मुलुकको आर्थिक अवस्था सुधार्न र निजी क्षेत्रको मनोबल उच्च बनाउन तीनवटा महत्त्वपूर्ण नीतिगत निर्णयमा हस्ताक्षर गरेका हुन् ।
वाग्लेले २०८२ सम्मको ‘आर्थिक स्थितिपत्र’ तत्काल तयार गर्दै निर्वाचन वाचा कार्यान्वयनको १०० दिने, अर्धवार्षिक र वार्षिक कार्ययोजना बनाउने निर्णय गरेका छन् । अर्थतन्त्रलाई गतिशील बनाउन बाधक देखिएका पुराना कानुनहरू हटाउने प्रक्रिया सुरु गर्ने भएका छन् । ‘उच्चस्तरीय आर्थिक सुधार सुझाव आयोग २०८१ को प्रतिवेदनमा सिफारिस भएको राजश्व अनुसन्धान विभाग लगायत १५ वटा ऐन खारेज गर्ने’, अर्थमन्त्रीले हस्ताक्षर गरेको देस्रो निर्णयमा उल्लेख छ ।
त्यस्तै, अर्थमन्त्री वाग्लेले निजी उद्यम व्यवसाय सुरक्षा एवं प्रवर्द्धन र ठुला विकास आयोजना सहजीकरण लगायत नयाँ विधेयक वा तिनको संशोधनको प्राथमिकीकरण तय गर्दै वृहत आर्थिक-कानूनी सुधारको मार्गचित्र बनाउने निर्णय गरेका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
