काठमाडौं । चिनियाँ कम्युनिस्ट पार्टी सीपीसीका नवनियुक्त विदेश विभाग प्रमुख लिउ जियानचाओ आज नेपाल आउँदै हुनुहुन्छ । आठ सदस्यीय टोलीको नेतृत्व गर्दै लिउ चारदिने नेपाल भ्रमणमा आउन लाग्नुभएको हो ।
लिउले आसन्न नेपाल भ्रमणका दौरानमा कांग्रेस, एमाले, माओवादी, नेकपा एकीकृत समाजवादी पार्टीका नेता तथा राष्ट्रपति विद्यादेवी भण्डारीलाई समेत भेट्ने कार्यक्रम रहेको छ । नेपालमा फेरि आम निर्वाचनको तयारी चलिरहेका र ठूला कम्युनिस्ट पार्टीबीच एकताका लागि सदासयता व्यक्त गर्ने र सत्तारूढ कांग्रेससँग सम्बन्ध सुधार गर्ने रणनीति चीनले लिएको चर्चा भइरहेका बेला यो भ्रमण भएको हो । निर्वाचन हुने पूर्वसन्ध्यामा उत्तरी छिमेकबाट हुन लागेको भ्रमणलाई अर्थपूर्ण रुपमासमेत लिइएको छ ।
गत चैत दोस्रो साता चिनियाँ विदेशमन्त्री वाङ यीले नेपालको तीनदिने भ्रमण गर्नुभएको थियो । नेपालले अमेरिकी कार्यक्रम स्टेट पार्टनरसिप प्रोग्राम ९एसपीपी० अस्वीकार गरेपछि भने चिनियाँ पक्षको पहिलो भ्रमण हो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved