कुमार खड्का, मोरङ । मोरङको कानेपोखरी गाउपालिका स्थित ग्रामिण सुधार सामुदायिक वनबाट सालको काठ तस्करी हुने गरेको पाईएको छ । कानेपोखरी गाउपालिका वडा नम्वर ४ र ६ मा पर्ने सामुदायिक वन क्षेत्रबाट सालको काठ चोरी गरी विक्रि गर्ने समुह सक्रिय भएको सुचनाका आधारमा वनका कर्मचारी र शसस्त्र प्रहरीको टोलीले कानेपोखरीका विभिन्न स्थानबाट काठ बरामद गरेको हो ।
सामुदायिक बनको आन्तरिक समस्याका कारण वनबाट विगत ४/५ वर्ष देखी बनपैदावार निकासी हुन सकेको छैन् भने जंगलमा लडेका रुखहरुसमेत सामुदायिक वनले घाटगद्धि गर्न नसक्दा काठको अवैद्ध कारोबार गर्नेहरुको आखामा यति वेला बनभित्र लडेका सालका रुखमा पर्न थालेको हो ।
सामुदायिक बनमा काठ तस्करी हुने गरेको यो पहिलो घटना भने हैन यस बनबाट पटकपटक गरेर यस अघि सम्म १ हजार भन्दा बढी किवी काठ चोरी भै सकेको बनका सदस्य शेरबहादुर लिम्वु बताउछन् ।
तस्करहरुले बनमा लडेका रुखहरुलाई रातको समयमा तस्करी गरी कानेपोखरीको मयुर फर्निचर उद्योगको काष्ठ मिल र अन्य आसपासका क्षेत्रमा पु¥याएर लुकाएको अवस्थामा शसस्त्र प्रहरीले छापा हानी बरामद गरेको शसस्त्र प्रहरी बेस क्याम्प पथरीशनिश्चरेका सहि युवराज खतिवडाले बताए ।
बरामद गरिएको करिव ४४ किवी सालको काठलाई कानेपोखरी सव डिभिजन वन कार्यालयलाई बुझाईएको छ । काठ ओसारपसारमा समलग्न स्थानिय दिलिप माझीको सिटीसफारी र उनको खोजी कार्य भैरहेको प्रहरीले जनाएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
